Contact Us

SON XƏBƏRLƏR

İranlı deputatdan xəbərdarlıq: kənd təsərrüfatı məhv olacaq

2024.12.24, 17:27
İranlı deputatdan xəbərdarlıq: kənd təsərrüfatı məhv olacaq

İran parlamentinin millət vəkili Ümid Nəsibi bildirib ki, ölkənin kənd təsərrüfatı elektrik enerjisinin kəsilməsi səbəbindən məhv olmaq təhlükəsi ilə üz-üzədir.

Gunaz.tv

GünazTV Anadolu Agentliyinə istinadla xəbər verir ki, elektrik böhranı səbəbiylə xalqın qəzəbləndiyinə diqqət çəkən Nəsibi, "Gündə 10 saat elektrik kəsilməsi kənd təsərrüfatının, bağların, tarlaların və tərəvəz istehsalının tamamilə məhv olması deməkdir" açıqlamasını verdi.

İranda iqtisadi sanksiyalara görə enerji infrastrukturuna investisiya yatıra bilməməsi enerji təchizatında problemlər yaradır. Xüsusilə qış aylarında sənaye, kənd təsərrüfatı sahələrində və yaşayış məntəqələrində elektrik enerjisinin kəsilməsi iqtisadi və sosial problemlər yaradır.

 

İran parlamentinin Enerji Komissiyasının üzvü Əbdülhüseyn Himmeti enerjiyə qənaət edən evlərin pulla mükafatlandırılmasını təklif edib.

Sənaye və mədənlərdə yaşanan elektrik kəsilməsi probleminə də toxunan Himmeti bildirib ki, "İctimaiyyətdən məişət qaz istehlakını azaltmaları istənilməli və bunun müqabilində kommersiya hesablaması aparılmalıdır. Məsələn, əgər hər ailə 100 kubmetr qaz azaldacaqsa, qarşılığında ayda təxminən 2-3 milyon tümən mükafat ala bilər."

Qeyd edək ki, təbii qazdan hədsiz asılılıq, texnoloji inkişafın olmaması və köhnə infrastruktur bərpa olunan enerjinin inkişafına mənfi təsir göstərir. Bundan əlavə, köhnə sistemli istehsal və ötürücü infrastruktur enerji itkisinə səbəb olur və ölkə iqtisadiyyatına ciddi ziyan vurur.

Açar Sözlər :

SEÇİLMİŞ XƏBƏRLƏR

Çox oxunanlar