Contact Us

SON XƏBƏRLƏR

Azərbaycanlı uşaq “Sevgi” adına görə 50 gündür şəxsiyyət vəsiqəsisiz qalıb

2025.04.18, 11:44
Azərbaycanlı uşaq “Sevgi” adına görə 50 gündür şəxsiyyət vəsiqəsisiz qalıb

Təbriz Vətəndaşlıq Qeydiyyatı Şöbəsinin rəsmiləri “Sevgi” adlı uşağa doğum haqqında şəhadətnamə verməkdən imtina edir və keçmişdə bu ada dəfələrlə sənəd verilməsinə baxmayaraq onu 50 gündür doğum haqqında şəhadətnaməsiz saxlayırlar.

Gunaz.tv

Bu barədə  uşağın atası Novruz Bədri Balamın adı kampaniyasına danışıb.

"Qızımız 2025-cü il fevralın 25-də dünyaya gəlib. Biz onun üçün Sevgi adını seçsək də Təbriz Vətəndaş Qeydiyyat İdarəsinin Lalə şöbəsi təşkilatın ad seçim sistemində bu adın olmadığını bildirdilər və adı yalnız Sogi şəklində qeydiyyata ala biləcəklərini dedilər. Biz isə öz növbəmizdə vəkil tutduq və məhkəməyə şikayət etməklə adı doğru formada qeydiyyata aldıra bildik. Problem oldur ki, necə olur, məhkəmənin qərarından sonra vətəndaşlıq qeydiyyatı sistemi həmzə hərfini qəbul edir və adı Sevgi kimi qeydiyyata sala bilir, amma məhkəmənin qərarı olmadan sistem bunu qəbul etmir?! Nə üçün vətəndaşlar türk adı seçmək üçün bu qədər prosesdən keçməlidirlər?"

Qeyd edək ki, İranda Vətəndaş Qeydiyyat İdarələri ana-ataları uşaqlarına türk adları seçməkdən çəkindirmək üçün müxtəlif süründürməçilik yollarına əl atır. Bu yolla onlar valideynləri türk adlarından imtina etməyə sövq edirlər. Çünki doğum haqqında şəhadətnamə olmayan uşaqlar peyvənd oluna bilmir və süd tozu əldə edə bilmirlər. Uşaqlarının sağlamlığı və qidalanması üçün narahat olan ana-atalar isə zaman-zaman türk adlarından imtina etmək məcburiyyəıtində qalırlar.

 

C

Açar Sözlər :

SEÇİLMİŞ XƏBƏRLƏR

Çox oxunanlar