Contact Us

SON XƏBƏRLƏR

Təbrizin qeydiyyat idarəsi 110 gündür "Alp Arslan" adına sənəd vermir

2025.08.08, 11:36
Təbrizin qeydiyyat idarəsi 110 gündür "Alp Arslan" adına sənəd vermir

Təbriz Vətəndaş Vəziyyətinin Qeydiyyatı İdarəsi 110 gündür ki, “Alp Aslan” adlı körpəyə doğum haqqında şəhadətnamə verməkdən imtina edir.

Gunaz.tv

Bu barədə uşağın anası Fatimə Hüseynzadə Balamın Adı kampaniyasına danışıb.

"Dünyaya uşaq gətirə bilmək üçün 6 il müalicə aldım və bir çox problemlərlə üzləşdim. Övladımız 17 aprel 2025-cü ildə dünyaya gəldikdə biz ona Alp Arslan adını seçdik. Amma Təbriz Vətəndaşlıq Dairəsinin Əram şöbəsinin məsul şəxsləri bu adı qeydə almaqdan imtina etdilər. Onlara əvvəllər həmin filialda verilmiş eyniadlı doğum haqqında şəhadətnamənin şəklini göstərəndə cavab olaraq “bu şəxslər adı şikayət edib alıblar, siz də şikayət edin, alın!” dedilər. Biz məhkəməyə şikayət versək də hakim iclası artıq bir neçə dəfə təxirə salıb, son ertələmədən sonra isə iclas oktyabrın 21-ə qədər gecikdirilib. Həmin tarixdə məhkəmə iclası baş tutsa belə bu uşağın 6 ay doğum haqqında şəhadətnaməsiz qalması demək olacaq. Mənim bir ana kimi 6 illik məşəqqətdən sonra övladım oldu və indi vətəndaşlıq vəziyyəti aktlarının qeydiyyatı şöbəsi övladıma ad seçmək hüququmu əlimdən alır. Hakimiyyət Kuruş adının qadağan edilməsi ilə bağlı şayiələri dərhal təkzib etsə də Alp Arslan adının seçilməsinə imkan vermirlər. Onların hər ikisi İran hökmdarları olmayıblarmı?"

Qeyd edək ki, doğum haqqında şəhadətnaməyə sahib olmayan uşaqlar tibbi sığorta imkanlarından yararlana bilmirlər. Ona görə də ana-atalar uşaqların tibbi ehtiyaclarını öz ciblərindən qarşılamalı olur.

Ekspertlər hesab edirlər ki, bu ayrı-seçkiliyə son qoymağın yolu “Vətəndaşlıq qeydiyyatı haqqında” qanunun 20-ci maddəsinə dəyişiklik etməklə “valideynlərin ad seçmək hüququ”nun təmin edilməsindən keçir.

 

C

Açar Sözlər :

SEÇİLMİŞ XƏBƏRLƏR

Çox oxunanlar