Contact Us

SON XƏBƏRLƏR

138 günlük hüquqi mübahisədən sonra “Asena” doğum haqqında şəhadətnamə aldı

2025.09.12, 13:21
138 günlük hüquqi mübahisədən sonra “Asena” doğum haqqında şəhadətnamə aldı

Vəkil Əsgər Məhəmmədinin təmsil etdiyi Təbrizli Fərhad Pakruhun ailəsi nəhayət Təbriz Vətəndaşlıq Dairəsi İdarəsini yeni doğulan körpələrinə “Asena” adı üçün doğum haqqında şəhadətnamə verməyə məcbur edib.

Gunaz.tv

Uşağın atası Fərhad Pakruh bu barədə Balamın Adı kampaniyasına danışıb.

"Qızımız 2025-ci il aprelin 22-də dünyaya gəldib və biz onun üçün Asena adını seçdik. Təbriz Vətəndaşlıq idarəsinin rəsmiləri bizə əvvəlcə bildiriblər ki, sistem Asenanın adına həmzə ilə yazılmasına icazə vermir. Soruşdum, bəs niyə “Maedə və Faezə” kimi adlar üçün belə bir problem yoxdur? Onlar bizə qanunun belə olduğunu bildirdilər. İki gün sonra onlar bu ada doğum haqqında şəhadətnamə verməyəcəklərini və etirazımız olacağı təqdirdə şikayət etməli olduğumuzu bildirdilər. Biz məhkəmə yolu ilə hüquqlarımızı müdafiə etdik və avqustun 12-də Təbriz Sülh Məhkəməsinin 24-cü şöbəsi qərar çıxararaq, Asena adının aşağılayıcı, ədəbsiz və cinsiyyətə uyğun olmayan adlar arasında olmadığını, ölkənin dini və milli adət-ənənələrinə zidd olmadığını bildirdi. Buna baxmayaraq, Lalə şöbəsinin rəsmiləri Tehranın icazəsi olmadan doğum haqqında şəhadətnamənin verilməsinin mümkün olmadığını bildirdilər və nəhayət, məhkəmənin qərarından 27 gün sonra biz övladımıza doğum haqqında şəhadətnamə ala bildik." - Fərhad Pakruh bəy bildirib.

Qeyd edək ki, bütün bunlara baxmayaraq "Asena" adı hələ də İran sistemlərində icazə verilən adlar sırasına əlavə edilməyib. Bu gələcəkdə bu adı seçmək istəyən ailələrin də eyni problemlərlə üzləşəcəyi deməkdir.

 

C

Açar Sözlər :

SEÇİLMİŞ XƏBƏRLƏR

Çox oxunanlar