Contact Us

SON XƏBƏRLƏR

«Gül Bayramı»na Amerikadan etiraz

2021.10.20, 07:36
«Gül Bayramı»na Amerikadan etiraz

Gunaz.tv
«Gül Bayramı»na Amerikadan etiraz Polis Bakıda «Gül bayramı»na etiraz edən gənclərin aksiyasını dağıdır. 10 may 2009 Qorxmaz Əsgərov (Vaşinqton) Mayın 10-da ABŞ-da yaşayan bir qrup azərbaycanlı Azərbaycan Dövlət Neft Akademiyasında güllələnmiş qurbanların xatirəsini yad etmək məqsədi ilə aksiya keçiriblər. Qara geyimli və əllərində qara lentlə bağlanmış qərənfillər tutmuş azərbaycanlılar Vaşinqtondakı Azərbaycan səfirliyinə tərəf hərəkət edib və səfirliyin qapısı önündə gül dəstələri qoyublar. Azərbaycanlı Amerikalılar Demokratiya Uğrunda (AZAD) təşkilatının təşkil etdiyi bu aksiyada şüarlar səsləndirilməsə də, səfirliyin qapısı önünə məktub qoyublar. Məktubda tədbir iştirakçıları mayın 10-da Azərbaycan xalqı yas içindəykən «Gül Bayramı»nın keçirilməsini pisləyiblər. Məktubda deyilir: «Azərbaycan vətəndaşlarının acılarının azalmadığı bir vaxtda paytaxtda konsert və atəşfəşanlıqla müşayiət olunan «Gül bayramı» tədbirinin keçirilməsini məqsədəuyğun saymırıq. Faciə baş verdiyi gündən indiyə qədər Azərbaycan gənclərinin, tələbələrin, Azərbaycanda və Azərbaycandan kənarda yaşayan vətəndaşların etirazlarına baxmayaraq, 10 may «Gül bayramı» hazırlıqlarının davam etdirilməsini Azərbaycan rəsmilərinin öz vətəndaşlarına, həlak olmuş gənclərimizin ailələrinə qarşı hörmətsizliyi kimi qiymətləndiririk». Tədbir iştirakçıları faciə ilə əlaqədar Azərbaycan xalqına başsağlığı verərək aksiyanı yekunlaşdırıblar.

SEÇİLMİŞ XƏBƏRLƏR

Çox oxunanlar