Contact Us

SON XƏBƏRLƏR

Motojen Təbriz şirkətinin işçilərinin etirazları nəticə verdi

2025.10.16, 12:45
Motojen Təbriz şirkətinin işçilərinin etirazları nəticə verdi

Motojen Təbriz şirkətində oktyabrın 5-də başlayan işçilərin tətili bir neçə gün davam edən davamlı etirazlardan sonra və həmkarlar ittifaqının bəzi tələblərinin həyata keçirilməsi ilə başa çatıb.

Gunaz.tv

Məlumatlara görə, şirkət rəhbərliyi nəhayət bütün podratçılarla birbaşa fabrikin özü ilə müqavilə bağlamaq və vasitəçi və podratçı şirkətlərin rolunu aradan qaldırmaq qərarına gəlib.

Bu sənaye bölməsinin işçiləri əvvəllər iş şəraitinin rəsmiləşdirilməsini tələb edərək, iş təhlükəsizliyinin təmin olunmadığını, qəfil ixtisarların mümkünlüyünü, əmək haqqı tələblərini vurğulamışdılar. Onlar bildiriblər ki, Pompiran, Çərxeşgər və İdem fabriklərindəki həmkarları rəsmi məşğulluq statusuna malik olsalar da, on ildən artıq iş təcrübəsi olan “Motojen ” işçiləri hələ də müvəqqəti müqavilələr əsasında işləyirlər.

İşçi haqqları mənbələri bir neçə günlük tətil və müqavimətdən sonra şirkət rəhbərliyinin bu tələbləri qəbul etmək məcburiyyətində qaldığını və istehsal xətlərinin artıq fəaliyyətini bərpa etdiyini açıqlayıb.

Bu arada, Nəsr də daxil olmaqla, dövlətə bağlı media orqanları hesabat dərc etməklə işçilərin tətilini inkar etməyə və fabrikdə hər şeyin normal olduğunu göstərməyə çalışıblar.

 

C

Açar Sözlər :

SEÇİLMİŞ XƏBƏRLƏR

Çox oxunanlar