Contact Us

SON XƏBƏRLƏR

“Kayahan” 5 aydan sonra doğum haqqında şəhadətnamə ala bilib

2025.10.22, 11:43
“Kayahan” 5 aydan sonra doğum haqqında şəhadətnamə ala bilib

Azərbaycanlı ailə 5 ay 9 gün davam edən hüquqi çəkişmədən sonra “Kayahan” adına doğum haqqında şəhadətnamə ala bilib.

Gunaz.tv

Bu barədə uşağın atası Məhəmməd Saburi Blamın Adı kampaniyasına danışıb.

“Oğlumuz 2025-ci il mayın 12-də dünyaya gəlib və biz ona “Kayahan” adını seçmişik. Ancaq Təbriz Vətəndaşlıq Dairəsi rəsmiləri adın Vətəndaşlıq Reyestrinin Adı Sistemində olmadığını bildirərək bu adı seçə bilməyəcəyimizi dedilər. Biz sistemdə adın olmamasının onun qadağan edilməsinə səbəb ola bilməyəcəyini, türk olduğumuzu bildirsək də onlar buna məəl qoymadılar və qərarın Tehrandan asılı olduğunu bildirdilər. Bundan sonra, məcbur olub şikayət ərizəsi yazdıq və 2025-ci il sentyabrın 30-da Təbriz Sülh Məhkəməsinin 24-cü şöbəsi Vətəndaşlıq Dairəsinə Kayahan adına doğum haqqında şəhadətnamə verilməsini əmr etdi. Hökmə baxmayaraq, Təbriz Vətəndaşlıq Qeydiyyatı İdarəsi “Tehranla yazışma” bəhanəsi ilə doğum haqqında şəhadətnamənin verilməsini daha 21 gün gecikdirib və nəhayət, 5 ay 9 gündən sonra “Kayahan” adını qeydə alıb." - deyə Məhəmməd Saburi bildirib.

Qeyd edək ki, İranda mövcud qaydalara görə, doğum haqqında şəhadətnaməsi olmayan uşaqlar bir sıra imtiyazlardan, o cümlədən, peyvənd, süd tozu payından yararlana bilmirlər. Nəticədə ailələr bütün bu xərcləri öz ciblərindən qarşılamaq məcburiyyətində qalırlar. Bu da indiki sosial şəraitdə ailələri olduqca böyük çətinliklərə salır. Bundan başqa, bir çox hallarda xəstəxanalar da sənədi olmayan uşaqları qəbul etməkdən imtina edirlər. Beləliklə rejim bu məhdudlaşdırıcı təzyiq vasitələrindən istifadə edərək ana-ataları uşaqlarına türk olmayan adlar seçməyə yönləndirməyə çalışır.

 

C

Açar Sözlər :

SEÇİLMİŞ XƏBƏRLƏR

Çox oxunanlar