Meta-dan yeni addım: İranda yaşayan istifadəçilər üçün Instagram-da yeni məhdudiyyətlər

SON XƏBƏRLƏR

Meta-dan yeni addım: İranda yaşayan istifadəçilər üçün Instagram-da yeni məhdudiyyətlər

2026.01.19, 06:32

Gunaz.tv

“Meta” şirkəti — Instagram sosial şəbəkəsinin sahibi — təhlükəsizliklə bağlı yeni tədbir çərçivəsində İranla əlaqəli bəzi istifadəçi hesablarında izləyicilər (followers) və izlənilənlər (following) siyahısının görünməsini məhdudlaşdırıb.

İstifadəçilərin bildirdiyinə görə, bu dəyişiklik fəaliyyət yeri və ya yaşayış məkanı İran kimi müəyyən edilən hesabları əhatə edir və həmin hesabların izləyici siyahıları digər istifadəçilər üçün görünməz edilib. Sözügedən addım Meta tərəfindən rəsmi açıqlama verilmədən tətbiq olunub və mərhələli şəkildə icra edilir.

Rəqəmsal təhlükəsizlik üzrə bəzi mütəxəssislər hesab edirlər ki, bu qərar İranda yaşayan istifadəçilərin təhlükəsizliyinin artırılması, əlaqə şəbəkələrinin müəyyənləşdirilməsi, kiberhücumlar və mümkün sui-istifadə risklərinin azaldılması məqsədi daşıya bilər. Son illər İranda sosial media istifadəçiləri təhlükəsizlik təzyiqləri, hesabların bağlanması və şəxsi məlumatlardan sui-istifadə halları ilə tez-tez üzləşiblər.

Meta şirkəti hələlik bu məhdudiyyətlərin detalları və tətbiq dairəsi ilə bağlı rəsmi mövqe açıqlamayıb. Bununla belə, əvvəlki oxşar təcrübələr göstərir ki, bu cür tədbirlər müvəqqəti ola bilər və regional siyasətlərə uyğun olaraq dəyişdirilə bilər.

Qeyd edək ki, Instagram İranda ən çox istifadə edilən sosial şəbəkələrdən biridir və platformanın məxfilik və giriş siyasətindəki istənilən dəyişiklik istifadəçilərə, onlayn bizneslərə və media fəallarına ciddi təsir göstərir.

GünazTV

GUNAZ.TV

SON XƏBƏRLƏR