Hörmüz Boğazı artıq İranın nəzarətində olmayacaq

SON XƏBƏRLƏR

Hörmüz Boğazı artıq İranın nəzarətində olmayacaq

2026.03.04, 23:53

Gunaz.tv

Ağ Evin mətbuat katibi Karolin Levitt çərşənbə günü keçirdiyi brifinqdə bildirib ki, İran artıq Hörmüz boğazına nəzarət etməyəcək və ABŞ bu strateji keçidin təhlükəsizliyini təmin etmək üçün genişmiqyaslı plan həyata keçirir.

Gunaz.tv xəbər verir ki, Levitt vurğulayıb: ABŞ Müdafiə Nazirliyi və Energetika Nazirliyi neft tankerlərinin təhlükəsiz hərəkətini təmin etmək məqsədilə birgə əməliyyat planı üzərində işləyir. Onun sözlərinə görə, müharibə şəraitində enerji daşımalarının fasiləsiz davam etməsi Vaşinqton üçün prioritet məsələdir.

Ağ Evin sözçüsü qeyd edib: “Birləşmiş Ştatlar İranın təhdidləri səbəbindən qlobal enerji marşrutlarının bağlanmasına imkan verməyəcək”.

Məlumata görə, ABŞ Hərbi Dəniz Qüvvələri bölgədə neft tankerlərini birbaşa müşayiət etməyə hazırdır və bu istiqamətdə müttəfiqlərlə koordinasiya davam etdirilir.

Qeyd edək ki, Hörmüz boğazı dünya enerji ticarətinin əsas tranzit marşrutlarından biri hesab olunur və burada təhlükəsizlik vəziyyətinin dəyişməsi qlobal bazarlara ciddi təsir göstərə bilər.

^{Eksklüziv | ABŞ Hörmüz boğazında neft tankerlərini hərbi müşayiətə götürəcək}

GünAzTV
R.G

GUNAZ.TV

SON XƏBƏRLƏR