Maku sakini Naci Şərifi Zindəşti ilə Maku Azad Ticarət Zonasının baş direktoru arasında baş tutan görüşü ifşa etdiyinə görə saxlanılıb

SON XƏBƏRLƏR

Maku sakini Naci Şərifi Zindəşti ilə Maku Azad Ticarət Zonasının baş direktoru arasında baş tutan görüşü ifşa etdiyinə görə saxlanılıb

2026.06.05, 12:50

Maku şəhərindən olan bir azərbaycanlı sakin Naci Şərifi Zindəşti ilə Maku Azad Ticarət Zonasının baş direktoru arasında baş tutduğu iddia edilən görüşü ifşa etdiyinə görə saxlanılıb.

Gunaz.tv

Azərbaycanlı jurnalist Pərviz Yari bu barədə məlumat yayaraq yazıb ki, sözügedən hadisə ilə bağlı bir nəfər müvəqqəti olaraq həbs edilib və onun barəsində cinayət işi açılıb. Jurnalist qeyd edib ki, həmin şəxs görüş barədə məlumatı yaydığına görə saxlanılıb.

Pərviz Yari öz “Instagram” paylaşımında bildirib ki, 30 iyun 2026-cı il tarixində saat 14:00 radələrində Maku Azad Ticarət Zonası rəhbəri Hüseyn Goruşi ilə beynəlxalq narkotik şəbəkəsinin rəhbəri kimi tanınan Naci Şərifi Zindəşti Maku bölgəsinin Bazərgan ərazisində görüş keçirib.

Mənbənin iddiasına görə, azad zona rəsmiləri bu görüşün “xarici investisiyaların cəlb edilməsi üçün planlaşdırma” məqsədi daşıdığını bildiriblər.

Buna baxmayaraq, görüş xəbəri yayıldıqdan sonra Maku şəhərindən olan bir vətəndaşın həmin məlumatı ifşa etdiyinə görə müvəqqəti saxlanıldığı və onun barəsində hüquqi iş başladıldığı bildirilir.

Jurnalist sual edib ki, niyə bir dövlət rəsmisi beynəlxalq narkotik şəbəkəsi ilə əlaqələndirilən bir şəxslə görüşməlidir və bu görüşün məqsədi nə olub? O həmçinin bildirib ki, əgər bu “xarici investisiya”dırsa, niyə onun detalları təhlükəsizlik xarakterli məsələ kimi gizlədilir.

Qeyd olunur ki, Maku və Bazərgan bölgəsi İranın Avropaya gedən narkotik tranzit yollarından biri kimi tanınır.

Naci Şərifi Zindəşti isə müxtəlif məlumatlara görə, Türkiyədə siyasi sui-qəsd və adam oğurluğu ittihamları ilə axtarışda olan, İranla əlaqəli olduğu iddia edilən bir fiqurdur.

ABŞ və Böyük Britaniya 2023-cü ildə onun şəbəkəsi ilə əlaqəli 11 nəfərə qarşı sanksiya tətbiq edib.

Məqalədə həmçinin bildirilir ki, bu şəbəkə İran daxilində müxtəlif siyasi və təhlükəsizlik fəaliyyətlərində istifadə olunur və regionda ciddi qeyri-sabitliyə səbəb olur.

Ş.A

GUNAZ.TV

SON XƏBƏRLƏR