Contact Us

SON XƏBƏRLƏR

Təbrizin Həsən Padşah meydanı hələ də xarabalıq vəziyyətində qalmaqdadır

2026.06.23, 10:43
Təbrizin Həsən Padşah meydanı hələ də xarabalıq vəziyyətində qalmaqdadır

Yayılan məlumatlara əsasən, Təbrizin Həsən Padşah (Sahibül-Əmr) meydanı hələ də xarabalıq vəziyyətində qalmaqdadır.

Gunaz.tv

Təbrizin Həsən Padşah tarixi kompleksi, Ağqoyunlu hökmdarı Uzun Həsənin yadigarı olaraq, bir zamanlar dünyanın ən böyük idarəetmə meydanlarından biri hesab olunurdu. Hətta İsfahanın Alaqapı meydanının da bu kompleksdən ilham alınaraq inşa edildiyi bildirilir.

Pəhləvi dövründə, hazırkı Motahhari (Mədəni) küçəsinin çəkilməsi bəhanəsi ilə bu tarixi meydan iki yerə bölünüb və onun böyük hissəsi məhv edilib.

Qalan hissə bir neçə ildir bərpa olunur, lakin əhəmiyyətli hissəsi — özünəməxsus kaşı işləri ilə seçilən bölmə — binanın arxasında zibilxana vəziyyətində tərk edilib. Əvvəllər bərpa üçün toplanmış çoxsaylı şirli kaşıların hazırda harada olduğu isə məlum deyil.

Bundan əlavə, Təbrizin digər tarixi bərpa layihələri — o cümlədən Təbriz qalası (Ərk), Şairlər məqbərəsi (Məqbərətüş-şüəra) və Rəbi Rəşidi kompleksi — də qeyri-müəyyən və yarımçıq vəziyyətdə qalmaqdadır.

 

Ş.A

 

Açar Sözlər :

SEÇİLMİŞ XƏBƏRLƏR

Çox oxunanlar