Contact Us

SON XƏBƏRLƏR

Qəzvinli 18 yaşlı azərbaycanlı şagird Şəqayiq Əfşar Nəcəfi 9 il həbs və əlavə cəzalara məhkum edilib

2026.08.08, 11:43
Qəzvinli 18 yaşlı azərbaycanlı şagird Şəqayiq Əfşar Nəcəfi 9 il həbs və əlavə cəzalara məhkum edilib

Qəzvin şəhərindən olan 18 yaşlı azərbaycanlı fotoqraf və şagird Şəqayiq Əfşar Nəcəfi Qəzvin İnqilab Məhkəməsinin ikinci şöbəsinin qərarı ilə 9 il müddətinə azadlıqdan məhrum edilib.

Gunaz.tv

Bundan əlavə, ona 2 il ölkədən çıxış qadağası, 6 ay Qəzvin bələdiyyəsində ödənişsiz ictimai xidmət və dövlət və ictimai xidmətlərdən ömürlük məhrum edilmə cəzası verilib.

Məhkəmə, həmçinin onun mobil telefonunun, telefon xəttinin və noutbukunun dövlətin xeyrinə müsadirə edilməsinə qərar verib.

Cəzaların birləşdirilməsi qaydasına əsasən, bu vətəndaş barəsində 5 il müddətinə azadlıqdan məhrumetmə cəzası icra olunacaq və onun əvvəlki həbsdə keçirdiyi müddət nəzərə alınacaq.

Şəqayiq Əfşar Nəcəfi “milli təhlükəsizliyə qarşı toplaşmaq və əlbir olmaq” ittihamı ilə 5 il, “düşmən dövlətlərlə əməkdaşlıq” ittihamı ilə 3 il, “rejimə qarşı təbliğat” ittihamı ilə isə 1 il müddətinə azadlıqdan məhrum edilib. Sonuncu ittiham onun sosial mediada milli təhlükəsizliyə qarşı fəaliyyət göstərməsi və xaricdəki mediaya görüntü və video faylları göndərməklə İsrailə dəstək verməsi ilə əlaqələndirilib.

Məhkəmədə Şəqayiq Əfşar Nəcəfinin məhkum edilməsinin əsasları sırasında SEPAH-ın Kəşfiyyat Təşkilatının hesabatı və Dey ayında keçirilən etirazlarda iştirakı göstərilib.

Bu şagird 14 fevral 2026-cı ildə hökumət qüvvələri tərəfindən evində həbs edilib. Əvvəlcə Kəşfiyyat İdarəsinin təcridxanasına, bir gün sonra isə Qəzvinin Çubin­der həbsxanasına köçürülüb.

 

Ş.A

Açar Sözlər :

SEÇİLMİŞ XƏBƏRLƏR

Çox oxunanlar