Contact Us

SON XƏBƏRLƏR

Şərqi Azərbaycan Sənaye Evi rəhbəri: İran hökumətinin siyasəti Azərbaycanın və Təbrizin sənaye mövqeyini zəiflədib

2026.08.09, 13:16
Şərqi Azərbaycan Sənaye Evi rəhbəri: İran hökumətinin siyasəti Azərbaycanın və Təbrizin sənaye mövqeyini zəiflədib

Gunaz.tv

Şərqi Azərbaycan Sənaye, Mədən və Ticarət Evinin rəhbəri Mehdi Əmini “YazEko”ya müsahibəsində deyib: “Yanlış siyasətlər Təbrizi ölkənin sənaye qütbü mövqeyindən uzaqlaşdırdı.”

Şərqi Azərbaycan Sənaye, Mədən və Ticarət Evinin rəhbəri hökumətin iqtisadi siyasətini tənqid edərək, vergi təzyiqlərinin artmasını, bank sisteminin fəaliyyətini və elektrik enerjisinin kəsilməsini istehsalın qarşısındakı əsas maneələrdən hesab edib. O deyib: “Bir vaxtlar ölkənin sənaye qütbü olan Təbriz yanlış siyasət nəticəsində öz mövqeyini itirib və istehsala dəstək yalnız şüar olaraq qalmamalıdır.”

İran hökuməti Güney Azərbaycana investisiya qoymamaqla yanaşı, dövlət və özəl banklar vasitəsilə Azərbaycanın sərvətlərini cəlb edir və onları ölkənin mərkəzində yerləşən farsdilli vilayətlərə köçürür.

Bundan əvvəl Təbriz Ticarət Palatasının rəhbəri Yunis Jailə də İran hökumətinin inhisarçı və Azərbaycana qarşı siyasətini tənqid edərək bildirmişdi ki, banklar Azərbaycandan cəlb etdikləri vəsaitlərin 97 faizini Tehrana aparır və bankların vəsaitlərinin 70 faizi Tehranda istifadə olunur.

Son illərdə Təbrizin keçmiş imam-cüməsi Məhəmmədəli Ali-Haşim də İran Mərkəzi Bankının rəhbərinin iştirakı ilə keçirilən Şərqi Azərbaycan Hökumət və Özəl Sektor Dialoq Şurasının iclasında Şərqi Azərbaycanın maliyyə vəsaitlərinin Tehrana köçürülməsini tənqid edərək deyib: “Bankların kassaları vilayətin vəsaitlərini cəlb edir, lakin onları mərkəzin ixtiyarına verir. Bu məsələ vilayətdəki vəsaitlərin azalmasına və nəticədə bankların kredit vermək imkanlarının zəifləməsinə səbəb olub.”

Təbriz deputatı Əlirza Münadi də həmin iclasda deyib: “Təəssüf ki, Şərqi Azərbaycanın maliyyə resursları və imkanları ölkənin mərkəzində yerləşən vilayətlərə yönəldiyi halda, bunun müqabilində vilayətdə böyük investisiyalar həyata keçirilmir.”

İran bankları Güney Azərbaycana investisiya qoymaqdan yayınaraq Azərbaycanın sərvətlərini Tehrana köçürdüyü bir vaxtda, son illərdə Təbriz Ticarət Palatasının rəhbəri “Yunis Jailə” İran rəsmilərinin Şərqi Azərbaycanda “özəl və xüsusi bank” yaradılmasının qarşısını aldığını açıqlamış və onların “bu məsələ milli maraqlara uyğun deyil” dediklərini bildirmişdi.

 

GunAz TV
R.G

Açar Sözlər :

SEÇİLMİŞ XƏBƏRLƏR

Çox oxunanlar