Evin həbsxanasında Güneyli vəkilə tibbi yardım yoxdur

SON XƏBƏRLƏR

Evin həbsxanasında Güneyli vəkilə tibbi yardım yoxdur

2026.08.23, 19:02

Həm həbs, həm xəstəlik: Tahir Nəqəvinin durumu ağırlaşır. Əfv qərarı var, amma Tahir Nəqəvi hələ də həbsdədir.

Gunaz.tv

Güney Azərbaycanli vəkil və siyasi fəal Tahir Nəqəvi 2024-cü ilin fevralından həbsdədir və hazırda Tehranın Evin həbsxanasında 5 illik həbs cəzasını çəkir. O, hələ də tibbi müalicədən məhrum edilir.

Nəqəvi bir sıra ciddi xəstəlik və fiziki problemlərdən əziyyət çəkir. Lakin təhlükəsizlik qüvvələri və həbsxana məsul şəxsləri onun xəstəxanaya göndərilməsinə və tibbi müalicə almasına mane olurlar.

Azərbaycan türkü vəkil həbsinin ilk aylarında Tehranın Evin həbsxanasındakı Kəşfiyyat Nazirliyinin təcridxanasında saxlanılarkən bel fəqərələrindən sınıq xəsarəti alıb. O, həmçinin prostat xəstəliyindən əziyyət çəkir. Həkimlərin tövsiyələrinə baxmayaraq, onun müalicəsinin davam etdirilməsinə icazə verilmir.

Tahir Nəqəvi ötən ilin avqustunda elan edilən əfv qərarına da şamil edilib. Lakin Kəşfiyyat İdarəsi bu günədək əfvin onun barəsində tətbiq edilməsinə mane olub.

GünAz TV
R.G

GUNAZ.TV

SON XƏBƏRLƏR