SON XƏBƏRLƏR

İranda internet və mobil telefon əlaqəsində fasilələr davam edir

2026.11.19, 17:32
İranda internet və mobil telefon əlaqəsində fasilələr davam edir

Gunaz.tv

İranda internetin sürətinin azalması və mobil telefon əlaqəsində tez-tez yaranan kəsintilər istifadəçilərin narazılığına səbəb olur. Abunəçilər telefon danışıqlarının yarımçıq kəsildiyini, mobil şəbəkənin bəzən əlçatmaz olduğunu bildirirlər.

İstifadəçilərin sözlərinə görə, internet bağlantısının tez-tez kəsilməsi fayl göndərmək və gündəlik onlayn xidmətlərdən istifadəni də çətinləşdirir.

Bu problemlər fonunda MCI və Irancell mobil operatorları noyabrın əvvəlindən etibarən internet paketlərinin qiymətlərini 40 faiz artırıblar.

Qeyd edək ki, İran hakimiyyəti 1404-cü ilin Esfənd ayında müharibənin başlanması ilə beynəlxalq internetə çıxışı kəsmiş, bir neçə ay sonra isə bu xidmət yenidən bərpa olunmuşdu. Lakin istifadəçilərin bildirdiyinə görə, sürət və bağlantı problemləri hələ də davam edir.

İranda telefon və internet xidmətlərinin məhdudlaşdırılması təcrübəsi 2009-cu il prezident seçkilərindən sonra keçirilən etirazlar dövrünə gedib çıxır. Həmin vaxt SMS xidmətləri dayandırılmış, mobil telefon əlaqəsində və internetdə ciddi məhdudiyyətlər tətbiq edilmişdi.

 

GunAz TV
R.G

SEÇİLMİŞ XƏBƏRLƏR

Çox oxunanlar