Contact Us

SON XƏBƏRLƏR

Bədnam layihə Fransanı da böldü

2021.10.20, 07:36
Bədnam layihə Fransanı da böldü

Gunaz.tv

GünAz TV: Fransada yanvarın (January) 23-də müzakirəyə çıxarılacaq qanun layihəsi ilə bağlı müzakirələr davam edir.

"Le Figaro" qəzetinin xəbərinə görə, Fransa Senatının sədri Jan Piyer Bell soyqırımların, xüsusilə də saxta “erməni soyqırımı”nın inkarının cəzalandırılmasını nəzərdə tutan qanun layihəsini dəstəklədiyini bildirib. İki gün öncə mətbuata açıqlama verən Bel Senatdakı sosialist qrupla birgə hərəkət edəcəyini söyləyib. Qəzet yazır ki, Senatdakı sosialistlər bazar ertəsi günü Senatın gündəliyinə gətirilməsi planlaşdırılan layihəyə müsbət yanaşırlar. “Ancaq Senatın Qanunlar Komissiyası qanuna qarşı çıxır. Komissiyanın sədri Jan Piyet Süör layihənin qəbuledilməz olduğunu düşünür. Bazar ertəsi günü keçiriləcək müzakirələrdə komissiya sədri qanunun rədd edilməsinə səs verəcək.

 Xatırladaq ki, Süör əvvəlcə verdiyi açıqlamalarda qanun layihəsinin müzakirəyə çıxarılmamasının vacibliyini vurğulayıb. Sədr hüquqşünaslardan ibarət komisiyanın qanun layihəsinin konstitusiyaya (anayasa) zidd olduğuna qərar verdiyini xatırladıb: "Bu mövqenin əsasında da siyasi deyil, hüquqi arqumentlər (dəlil, istidlal) durur. Parlament məhkəmə deyil və tarix yaza bilməz".

 Komissiyanın bu mövqeyinin bazar ertəsi günü keçiriləcək səsverməyə psixoloji (rəvani) təsir edə biləcəyi bildirilir. Komissiyanın təklif etdiyi dəyişiklik qəbul edilərsə, 2011-ci ilin mayında olduğu kimi yenə də əsassız layihə müzakirə edilmədən gündəlikdən çıxarılacaq.

 Senatda çoxluqda olan sosialist senatorlar və iqtidardakı Xalq Hərəkatı Birliyi üzvlərinin qanun layihəsi ilə bağlı mövqeyi ikiyə bölünüb. Təklifə qarşı çıxan senatorların sayının artdığı bildirilir. Təklifə qarşı olduğunu açıqlayan senatorlar sessiyaya (cələsə) gələrək səs verərsə, Sarkozi üçün pis bir sürpriz ortaya çıxa bilər. Hökumətin məsələni normalda sessiyaların keçirilmədiyi və senatorların Parisdən kənarda olduğu bazar ertəsi günündə səsverməyə çıxarmasının da iştirakçıların sayını azaltmaq məqsədi daşıdığı bildirilir.

Bazar ertəsi günü qanun qəbul edilərsə, prezidentin imzasından sonra qüvvəyə minəcək.

SEÇİLMİŞ XƏBƏRLƏR

Çox oxunanlar