Contact Us

SON XƏBƏRLƏR

İran nüvə alimlərinin təhlükəsizliyini gücləndirir

2021.10.20, 07:36
İran nüvə alimlərinin təhlükəsizliyini gücləndirir

Gunaz.tv

GünAz TV: Prezident Mahmud Əhmədinejad İranın nüvə alimlərinin təhlükəsizliyinin gücləndirilməsi və bu sahədə xüsusi işlər görülməsinə dair göstəriş verib.

Bunu İranın elm, araşdırma və texnologiya naziri Kamran Daneşcu deyib. Bu barədə İranın "İRİNN" xəbər kanalının rəsmi saytı məlumat verir. Daneşcu bildirib ki, hazırda düşmənlər ölkədə 100-dən çox terror aktı həyata keçirməyi planlaşdırır ki, həmin planların çoxunun qarşısı alınır. Daneşcu bildirib ki, hazırda ölkə universitetlərində 1300-dən çox tələbə öz ixtisasını nüvə və nüvə fizikası sahəsində təhsil almaq üçün dəyişmək üçün nazirliyə müraciət edib. "Bu, onu göstərir ki, düşmənlər İran alimlərinin elmi fəaliyyətinin qarşını ala bilməyəcəklər", - o qeyd edib. Ötən həftə İranın paytaxtı Tehranda nüvə fizikası üzrə aparıcı mütəxəssislərindən biri Mustafa Əhmədi Rövşən partlayıcı qurğunun işə düşməsi nəticəsində həlak olub. İran rəsmiləri Mustafa Əhmədi Rovşəni ABŞ (Amerika Birləşmiş Ştatları) və İsrailin kəşfiyyat orqanlarının qətlə yetirdiyini bəyan edir. 2010-cu ilin yanvar (January) ayında da İranın nüvə fizikası üzrə aparıcı mütəxəssislərindən biri Məsud Əliməhəmmədi Tehrandakı evinin yaxınlığında partlayıcı qurğunun işə düşməsi nəticəsində həlak olmuşdu. Bundan sonra noyabrın (November) 29-da Tehranda iki ali məktəb müəlliminin olduğu avtomobillər partladılıb. Partlayışlar səhər saat 07:00-08:00 radələrində müəllimlərin öz ailə üzvləri ilə birgə işə getmək üçün evdən çıxdıqları vaxt baş verib. Tehranın şimalındakı Şəhid Behişti Universitetinin yaxınlığında baş vermiş terror aktı nəticəsində bu ali məktəbin müəllimi Məcid Şəhriyari həlak olub, həyat yoldaşı və daha bir sərnişin ağır yaralanıb. Şəhid Behişti Universitetinin digər müəllimi Firudin Abbasi və onun həyat yoldaşı isə Ərteş xiyabanı yaxınlığında baş verən partlayışda yaralanıblar. Firudin Abbasi hazırda İranın Nüvə Enerji Təşkilatının rəhbəridir. Məlumata əsasən, alimlərin hər ikisi İranın nüvə texnologiyaları sahəsində çalışıblar.

SEÇİLMİŞ XƏBƏRLƏR

Çox oxunanlar