İran Ayətullahından Azərbaycana qarşı növbəti Bəyanat

SON XƏBƏRLƏR

İran Ayətullahından Azərbaycana qarşı növbəti Bəyanat

2021.10.20, 07:36

Gunaz.tv

GünAz TV: İranın nüfuzlu dini liderlərindən olan ayətullah Makarem Şirazi Qumda dindarlar qarşısındakı çıxışı zamanı Azərbaycan Cümhuriyyətini təhdid edib.

O, Məscid-i Əzəmdəki çıxışı zamanı Azərbaycanda müsəlmanların xüsusi təzyiqlər altında olduğunu deyib. Ayətullahın çıxışı daxili və xarici mətbuatda yayılıb.

Çıxışda deyilir ki, “ABŞ (Amerika Birləşmiş Ştatları), İsrail və digər bir ərəb ölkəsi tərəfindən yaradılan, vəhhabiliyi təbliğ edən qorxunc üçbucaq şiələr üçün çoxlu problemlər yaradıb. Bu əsasən vəziyyətləri olduqca acınacaqlı olan Azərbaycan və Bəhreyn şiələrinə aiddir”.

Onun sözlərinə görə, İran digər ölkələrin siyasətlərinə qarışmır, lakin Azərbaycan və Bəhreyn şiələrinin taleyinə də biganə qala bilməz: “Biz Fələstin müsəlmanlarına yardım edərkən şiələr və sünnilər arasında ayrı-seçkilik salmırıq. Bizim borcumuz bütün müsəlmanlara kömək etməkdir, xüsusən də məzlum şiələrə. Hamıya bəllidir ki, şiələrin ən ağır vəziyyətə yaşayanları Bəhreyn və Azərbaycandadır”.

Azərbaycanda şiələrin təqiblərə məruz qalması haqqında danışan ayətullah qeyd edib ki, bu ölkələrin liderləri dindarlara qarşı kommunist dövründən qalma siyasət yürüdür: “Bu siyasətin dindarların təqibi və sıxışdırılmasına yönəlib. Azərbaycan hökuməti orta məktəblərdə hicaba qadağa qoydu, nümayişləri boğur və dindarları həbs edir, ictimaiyyətə dini ədəbiyyatı qadağan edir. Onlar cəmiyyətdə dini kökündən çıxartmağa ümid edirlər, ancaq yalnız özlərinə ziyan vururlar. Azərbaycan hökuməti etiraf etməlidir ki, şiələr İmam Hüseyn məktəbinin tərəfdarıdır və zülm qarşısında geri çəkilməyəcəklər”.

Ayətullah Azərbaycan rəhbərliyini dindarların tələblərini diqqətə almağa və dini səbəblərdən həbs edilənləri azad etməyə çağırıb. Əks halda isə bunun böyük təhlükə ilə nəticələnə biləcəyini qeyd edib.

Qeyd edək ki, bu İranlı ayətullahlıar və Məkarem Şirazinin Azərbaycan Cümhuriyyətinə qarşı birinci təhdid və müdaxiləsi deyil. Azərbaycan müstəqil olduqdan sonra dəfələrcə İranın dini-siyasi xadimlərinin təhdidlərinə məruz qalıb.

GUNAZ.TV

SON XƏBƏRLƏR