Contact Us

SON XƏBƏRLƏR

Fransa parlamenti “soyqırım” haqqında bədnam qanunu qəbul etdi

2021.10.20, 07:36
Fransa parlamenti “soyqırım” haqqında bədnam qanunu qəbul etdi

Gunaz.tv

GünAz TV: Fransa parlamenti qondarma “erməni soyqırımı”nın inkar edilməsinin cinayət sayılmasını nəzərdə tutan qanun layihəsini səsverməyə çıxararaq qəbul edib.

 

 Lent.az-ın Türkiyənin NTV telekanalına istinadən verdiyi məlumata görə, parlamentin iclası saat 11:30 radələrində başlayıb. Qanun layihəsi ilə bağlı ilk çıxışı hakim Xalq Hərəkatı Birliyi Partiyasının deputatı (millət vəkili), layihənin təşəbbüskarı Valerie Boyer edib. O, qanun layihəsinin Avropa Birliyi qanunlarına uyğun olduğu söyləyib və qanun layihəsinin qəbulundan sonra Türkiyənin Fransanı boykot edəcəyi ilə bağlı təhdidini ciddi qəbul etməməyə çağırıb. Valerie Boyler bunu Türkiyənin də Fransa kimi Ümumdünya Ticarət Təşkilatının üzvü olması ilə əlaqələndirib.

 

Daha sonra siyasi qrupların təmsilçiləri və hökumətin parlamentlə münasibətlərinə cavabdeh olan nazir Patrick Ollier bununla bağlı danışıb. O, buna qarşı çıxmayıb. Patrick Ollier Türkiyə və Fransa arasındakı münasibətləri tərifləyib və bu qanun layihəsinin Türkiyəni hədəf almadığını iddia edib.

 

 Qanun layihəsinin parlamentdə qəbul edilməsi onun qüvvəyə minməsi anlamına gəlmir. Əgər Senat da aşağı palatanın qəbul etdiyi qanun layihəsini qəbul edərsə, prezident Nikola Sarkozi də bunu imzalayarsa, qanun rəsmi qəzetdə dərc olunduqdan sonra qüvvəyə minəcək. Bu halda “erməni soyqırımı”nı inkar edənləri 1 il azadlıqdan məhrumetmə və 45 min avro cərimə gözləyir.

 

 Türkiyə Fransadakı səfiri Tahsin Burcuoğlunu geri çağıracağı, nazir və millət vəkillərinin Fransaya səfərləri də təxirə salınacağı, eyni zamanda bunun iki ölkə arasındakı iqtisadi münasibətlərə də böyük zərər vuracağı gözlənilir. Fransanın bu ilin ilk 10 ayında Türkiyəyə ixrac etdiyi məhsulların dəyəri 5 milyard 693 milyon avrodur. Fransa bu ilin 10 ayı ərzində Türkiyədən 4 milyard 929 milyon avro məhsul idxal edib.

 

 Qeyd edək ki, Türkiyənin baş naziri Rəcəb Tayyib Ərdoğan deyib ki, Ankara Fransa ilə 3 mərhələli olmaqla, bir sıra addımlar atacaq. Söhbət Türkiyənin Fransaya tətbiq edəcəyi sanksiyalardan gedir: “Hazırda Nikola Sarkozinin səs qazanmağa hesablanmış bu addımı Fransa-Türkiyə münasibətlərinə zərər vuracaq”.

 

 Hazırda Avropada yaşayan minlərlə türk Fransa parlamentinin qarşısına toplaşıb, etirazını bildirir...

SEÇİLMİŞ XƏBƏRLƏR

Çox oxunanlar