Vurğun Həsənli: “Bütün dünya bilir ki, hazırda Dağlıq Qarabağ terror yuvasıdır”-Müsahibə

SON XƏBƏRLƏR

Vurğun Həsənli: “Bütün dünya bilir ki, hazırda Dağlıq Qarabağ terror yuvasıdır”-Müsahibə

2021.10.20, 07:36

Gunaz.tv

GünAz TV mətbuat mərkəzinin növbəti müsahibi, sabiq diplomat, siyasi şərhçi Vurğun Həsənlidir.

- Sizcə, Dağlıq Qarabağın erməni icması azərbaycan icması ilə görüşdən niyə yayınır?

- Erməni tərəfinin bu təklifdən boyun qaçırmasını təbii qarşılamaq lazımdır. Çünki onlar Qarabağın Azərbaycan icmasıyla birgə iclas keçirdikləri an, Azərbaycan İcmasını beynəlxalq aləmdə ilk qəbul edən məhz özləri olacaqlarını bilirlər. Erməni tərəfi Dağlıq Qarabağın işğal faktına (gərçək) “hüquqi don” geydirmək və orada törətdikləri soyqırımı “haqlı” çıxarmaq üçün orada sadəcə ermənilərin yaşadığını qəbul etdirmək istəyirlər. Ona görə də, Dağlıq Qarabağın Azərbaycan icması ilə birgə iclasın keçirilməsini gerçəkləşdirmək Azərbaycanın bu məsələdə sadəcə uğuru ola bilər. - Məsələnin həllində beynəlxalq ictimaiyyətin biganə yanaşmasını nə ilə bağlayırsınız?

- Beynəlxalq təşkilatların bir sıra qüvvələrin erməni tərəfinə havadarlıq etməsi məsələsi isə indiyə qədər gördüyümüz və məruz qaldığımız təbii haqqsızlıqdır. Bunlara təəccüblənməmək lazımdır. Bir də, Dağlıq Qarabağ prosesinə (sürəc) Azərbaycanlı icmanın iştirakını təmin etmə məsələsində rəsmi qurumlardan başqa Azərbaycan diasporasına da böyük iş düşür. Əvvəlcə sözügedən icmanın Avropada və beynəlxalq aləmdə varlığı haqqında təbliğat təmin olunmalıdır. Bunun üçün də, diaspora öz fəaliyyətində bu icmanın təbliğatına və tanıdılmasına yer ayırmalıdır. Beynəlxalq ictimaiyyət tanıdıqdan sonra, ermənilərin görüşməkdən boyun qaçırması çətinləşəcəkdir. - Xüsusilə, erməni icması görüşdən yayınmasını hüquqi amilləri əsas gətirir...

- Söhbət Azərbaycan icmasının hüquqiliyi məsələsinə gəldikdə, mən deyərdim ki, ermənilərin icması nə qədər legitimdirsə (məşru), bizim icmamız ondan daha legitimdir. Ən azından Dağlıq Qarabağı beynəlxalq terrorizm mərkəzinə erməni icmasının çevirdiyini iddia etməyə və bunu sübut etməyə əlimizdə kifayət qədər dəlil vardır. Sadəcə Azərbaycan tərəfi əlindəki bütün imkanlardan istifadə etməlidir. Məsələn, Avropadakı türk varlığı və diasporundan lazımi səviyyədə faydalana bilmirik. Bu təmin olunmalıdır. Avropadakı türklərlə və eyni zamanda Türkiyə Respublikasının (cümhuriyyəti) beynəlxalq nüfuzundan yararlanaraq bu həyata keçirilməlidir. Beləliklə, get-gedə Türkiyənin də Dağlıq Qarabağ prosesinə cəlb etməyimiz baş tuta bilər.

Söhbətləşdi: Elnur Eltürk

GUNAZ.TV

SON XƏBƏRLƏR