Ramiz Mehdiyevin kitabı fars dilində nəşr olunub

SON XƏBƏRLƏR

Ramiz Mehdiyevin kitabı fars dilində nəşr olunub

2021.10.20, 07:36

Gunaz.tv

GünAz TV: Əsərdə müasir Azərbaycan dövləti və cəmiyyətinin iqtisadi, siyasi və sosial problemlərinin elmi təhlili verilib.

Prezident Administrasiyasının (nəhade riyasəte cümhuri) rəhbəri, akademik Ramiz Mehdiyevin "Azərbaycan: qloballaşma (kürəsəlləşmə) dövrünün tələbləri - keçmişin dərsləri, bu günün reallıqları və gələcəyin perspektivləri (çeşməndaz)" kitabı İranda fars dilində nəfis tərtibatda nəşr olunub.

Məlumata görə, əsəri fars dilinə Rza Cəlilniya və Rəna Fəramərzi çevirib. Altı fəsildən, biblioqrafiya (kitabşünaslıq) və qeydlər, terminlər (vajə) lüğəti və müəllif haqqında bölmədən ibarət olan kitab qloballaşma şəraitində Azərbaycan dövlətçiliyinin təşəkkül mərhələlərinə həsr edilib. Əsərdə müasir Azərbaycan dövləti və cəmiyyətinin iqtisadi, siyasi və sosial problemlərinin elmi təhlili verilib. Görkəmli filosof-alim keçmişin dərslərini, bu günün reallıqlarını və gələcəyin perspektivlərini qloballaşan dünyanın yeni mənzərəsi fonunda (zəminində) reallıqlarını nəzərdən keçirir, qərbləşmənin və modernləşmənin Azərbaycan cəmiyyətinə təsirini təhlil edir.

Farsdilli oxucular kitabın "SSRİ-nin (Şurəvi) dağılması: yeni reallıqlar və yeni imkanlar" adlı ilk fəslində dünya tarixindəki ən nəhəng imperiyalardan birinin süqutunun səbəbləri və bunun doğurduğu nəticələrlə tanış olacaqlar. "Azərbaycanın modernləşdirilməsi: inkişaf yolları" sərlövhəli sonrakı fəsildə, ümumən, modernləşdirmənin nəzəri cəhətlərindən bəhs olunduqdan sonra bilavasitə Azərbaycanla bağlı məsələlər araşdırılır. Fəslin digər bir bölməsi yeni dövrün siyasətçisi kimi prezident İlham Əliyevin fəaliyyətindən, onun daxili və xarici siyasətlə bağlı baxışlarından, dövlət başçısı kimi qarşısında duran əsas vəzifələrdən bəhs edir.

GUNAZ.TV

SON XƏBƏRLƏR