Contact Us

SON XƏBƏRLƏR

Təbrizin Səhənd Universitetində “Avaz oxumaq” müsabiqəsinə qadağa qoyulub

2021.10.20, 07:36
Təbrizin Səhənd Universitetində “Avaz oxumaq” müsabiqəsinə qadağa qoyulub

Gunaz.tv

GünAz TV: Təbriz Səhənd Universitetinin planlaşdırdığı “Avaz oxumaq” müsabiqəsində türk dilində avaz oxumağa qadağa qoyulub.

 

Universitetin musiqi fondunun mayın 7-nə planlaşdırdığı “Avaz oxumaq” müsabiqəsi yalnız fars dilində keçirilməli idi, buna təhsil müəssisəsinin idarə şurasinin qərar verdiyi bildirilir.

 

Son məlumata görə, irqçilərin planlaşdırdığı tədbir baş tutmayıb, müsabiqə azərbaycanlı öyrəncilərin kəskin etirazı nəticəsində ləğv edilib.

 

Səhənd Universiteti öyrəncilərinin Teleqram kanalında yayılan məlumata görə, müsabiqə ləğv edilib və onun gələn həftə türk dilində keçiriləcəyi bildirilib.

 

Universitetin mədəniyyət şurası türk dilində mahnıya qoyulan qadağanı fars dilində qiymətləndirmənin daha rahat olması ilə izah edib.

 

Mədəniyyət Şurası ləğv olunan müsabiqədə türk dilində mahnı oxumağa qadağa qoymuşdur, bu məsələ sosial şəbəkələrdə də geniş etirazlara səbəb olub.

 

Bu arada İran rejimi “Qaşqay elinin incəsənət və mədəniyyət festivalı”nda qadınların laylalar oxumasına icazə verməyib.

 

 

Məlumata görə, mayın 4-də Gəçsaranda keçirilən festivalda Qaşqayların tanınmış müğənniləri Əfsanə Cahangiri və Nazlı Cahangirinin layla oxuması planlaşdırılıb, lakin şəhər imam cüməsinin göstərişi əsasında təhlükəsizlik qüvvələri buna icazə verməyib.

 

Bu barədə Əfsanə Cahangirinin yaxınlarından biri “Herana” agentliyinə məlumat varib.

“Festival təşkilatçıları xanım Əfsanə Cahangiri və bacısı Nazlı Cahangiridən layla oxumaları üçün dəvət etmişdir. Bunun üçün rəsmi icazə də alınmışdır, lakin son anda bunun qarşısı alınıb və proqram ləğv olunub. Məsullar bununla bağlı konkret heç nə açıqlamayıb”- deyə o bildirib.

 

İranda qeyri-fars millətləri, xüsusi ilə də türklər öz mədəniyyətlərinin inkişafı uğrunda hər hansı addım ata bilmir. Musiqi, ədəbiyyat, dil, rəqs və s. kimi sahələrdə tədbir keçirmək olduqca çətin və məhduddur. Bu vəziyyət uzun illərdir davam edir.

 

Səhənd Universitetinin keçirmək istədiyi müsabiqənin afişası

 

Açar Sözlər :

SEÇİLMİŞ XƏBƏRLƏR

Çox oxunanlar