Məktəblərdə rus dilinin yerinə türk dili tədris olunsun

SON XƏBƏRLƏR

Məktəblərdə rus dilinin yerinə türk dili tədris olunsun – Nadir Qazipur

2021.10.20, 07:36

Gunaz.tv

GünAz TV: Güney Azərbaycanın Urmiyə şəhərinin İran parlamentindəki millət vəkili Nadir Qazipur məktəblərdə rus dilinin yerinə türk dilinin tədris olunmasını istəyib.

Millət vəkili bu barədə sentyabrın 23-də parlamentdə çıxış edib.

“Türk dilinin tədris olunmasına xüsusi əhəmiyyət verilməlidir. Bu, dövlətin vəzifəsidir. Hesab edirəm ki, məktəblərdə rus dilinin yerinə türk dili tədris olunmalıdır”- deyə o bildirib.

Millət vəkili Azərbaycan şəhər və kəndlərində təhsil sahəsində olan problemlərə də toxunub.

“İslam cümhuriyyətinin sayəsində əksər şəhərlərdə şagirdlərin imkanları artıb. Misal üçün böyük şəhərlərdə valdeynlər SMS vasitəsi ilə uşaqlarının məktəbdən çıxmasını öyrənir. Azərbaycanda isə vəziyyət fərqlidir. Bir çox şagird yayın isti havası və qışın soyuğunda palçıq evlər, köhnə məktəblər və hətta kanekslərdə (dəmirdən düzəldilmiş otaqlar) təhsil alırlar”- deyə N.Qazipur əlavə edib.

İran Təhsil Nazirliyi Ali Şurasının rəis müavini Əhməd Abdini 2016-ci ildə bildirmişdir ki, bundan sonra məktəblərdə alman, fransız. italyan. ispan və rus dilləri tədris olunacaq.

“Məktəbdə hər xarici dilin tədrisi üçün ən azı 15 şagird olmalıdır. Bu sayıda şagird olarsa xarici dilin tədrisi üçün dərs otağı təşkil oluna bilər”- deyə o əlavə etmişdir.

Ötən aylarda isə İranın təhsil naziri Məhəmməd Bəthayi Rusiya məktəblərində fars dilinin tədris olunması barədə Rusiya rəsmilərinə təklif irəli sürüb.

İran rejimi ölkədə xarici dillərin tədrisinə külli miqdarda vəsait xərclədiyi halda, əhalinin təxminən 40 faizini təşkil edən Azərbaycan türklərinin ana dilinin tədrisinə icazə vermir. Bunu, rejimin irqçi siyasətindən başqa heç bir məntiqlə izah etmək mümkün deyil.

N.S

GUNAZ.TV

SON XƏBƏRLƏR