GünAz TV: Bir qrup vətənpərvər və təbiətsevər güney azərbaycanlı Urmu Gölü ilə bağlı Azərbaycan Cümhuriyyətinin rəhbərliyinə məktubla müraciət ediblər.

Müraciət məktubunu olduğu kimi təqdim edirik:

“Azərbaycan Cumhuriyəti’nin sayğı dəyər Cumhurbaşqanlığı və Milli Məclis Başqanlığının yüksək məqamına;

Bildiyiniz üzrə İran adlandırılan ölkənin çərçəvəsində yaşayan on milyonlarca Güney Azərbaycan Türkü günümüzdə çox sayda mədəni, kültürəl və ekonomik problemlər yaşamaqda və ayrı seçgiliyə məruz qalmaqdadır. Yalnız son illər içərsində Güney Azərbaycan elə bir ciddi sorunla qarşı qarşıya buraxılıbdır ki xalqımız üçün bir ölüm-qalım mücadiləsi halına gəlibdir. Bu sorun "Urmu Gölü Məsələsi"dir.

Təbii gözəllikləri ilə "Azərbaycan’ın Gəlini" adlandırılan Urmu Gölü bir neçə ildir ki ciddi bir quruma təhlükəsi ilə üz üzə qalıbdır. Bir zamanlar dünyanın ikinci ən böyük duz gölü olan Urmu Gölü’nün artıq 60 faizi quruyubdur və artan bir sürət ilə də qurumağa davam etməkdədir. Beləcə də Güney Azərbaycan’ın tam ortasında böyük bir duz çölü yaranmaqdadır. Milyardlarca ton duzu bulunan bir çölün ortaya çıxışı Güney Azərbaycan’ın böyük bir qismini yaşanmaz hala gətirəcəkdir. Yel ilə dağılan duz bölgənin tarım ərazisini təxrib edib iqtisadi darlıq və xəstəliklər nəticəsiəndə xalqımızın böyük bir bölümünü İran’ın orta və Güney bölgələrinə köçməyə məcbur buraxacaqdır. Bu isə vətənimizin xaraba qalması və xalqımızın yad ellərdə didərgin düşməsi deməkdir.

Hər nə qədər İran dövəlti bu sorununun quraqlıq kimi təbii səbəblərdən ortaya çıxdığını iddia edsə də hardasa bütün uzmanlar bu məsələnin təbii yox bəlkə daha çox sün’i səbəblərdən qaynaqlandığnı irəli sürməkdədirlər. Bir çox uzman və mütəxəssis hakimiyətin bu məsələni yaradmaqla orta və uzun müddətli siyasi hədəflər gütdüyünü dilləndirməkdədir. Bugünə qədər bu problemin həlli üçün hakimiyət tərəfindən hər hansi bir fe’li addım atılmaması bu qənaəti daha da gücləndirir.

Əlbttə ki Güney Azərbaycan Türkləri bu ölümcül durumun fərqindədirlər və bu münasibət ilə də sorunun ortaya çıxışından bəri geniş miqyasli bir mədəni mücadilə başladıblar. Son aylarda Güney Azərbaycan şəhərlərində meydana gələn protesto yürüşləri bunun ən açıq misalidir. Yalnız nə yazıq ki İran hakimiyəti bütün istək və etirazları eşidməzlikdən gəlməkdə, bütün qarşı səs və hərəkətləri basdırmaqda və Urmu Gölü üçün اər hansı bir çarə qılmamaqda israrlıdır.

Hal durum belə ikən, biz bir qurup Güney Azərbaycan Türkü, Azərbaycan Cumhuriyəti dövəlti olaraq sizə müraciət də bulunub və xahiş edirik ki Azərbaycan Milləti’nin dünyadaki təmsilçisi kimi öz soydaşlarınızın müqəddəratına qeydsiz qalmayasınız və Urmu Gölü məsələsində insansevər və mədəni dəstəklərinizi bizdən əsirgəməyəsiniz. Xüsusi ilə Urmu Gölü məsələsinin dünya ictimaiyyatına çıxarılmasında sizin rolunuz və dəstəyiniz son dərəcə önəmli və həyati olmaqla bərabər güneydəki bacı və qardaşlarınıza da böyük ürək dayağı olacaqdır.

Ən dərin sayğılarla;

Bir Qurub Güney Azərbaycan Türkü

10/11/2011”