Contact Us

SON XƏBƏRLƏR

Əhər şəhərində saxta alkoqollu içkilərdən zəhərlənənlərin sayı 73 nəfərə çatıb

2021.10.20, 07:36
Əhər şəhərində saxta alkoqollu içkilərdən zəhərlənənlərin sayı 73 nəfərə çatıb

Gunaz.tv

GünazTV: İranın Şərqi Azərbaycan əyalətinin Əhər şəhərində saxta alkoqollu içkilərdən zəhərlənənlərin sayı 73 nəfərə çatıb. Bu barədə, Əhərin “Baqir əl-Ulum” xəstəxanasının rəisi Məhəmmədcavad Heydəri fevralın 25-də  jurnalistlərə açıqlama verib.

 

O bildirib ki, zəhərlənənlərdən 28-i Təbrizin Sina xəstəxanasına, qalanları isə Əhərin müxtəlif  xəstəxanalarına yerləşdirilib: “Təəssüflər olsun ki, şəhərimizdə kustar yolla hazırlanmış saxta alkoqollu içkilərdən istifadə edən bir qrup insan zəhərlənib. Onlardan 3-ünün səhhəti isə çox ağırdır. Bir daha vətəndaşlara xəbərdarlıq edərək bildiririk ki, saxta alkoqolluları qəbul etmək, insanın sağlamlığına çox ciddi təhlükə yaradır. Bu içkilər, insanda görmə qabiliyyətinin itirilməsinə, böyrəklərin sıradan çıxmasına və ölümlə nəticələnə bilər”- deyə Heydəri əlavə edib.

 

Qeyd olunur ki, saxta alkoqollu içkilərdən zəhərlənənlərin əksəriyyəti Əhərin Vərgəhan kəndinin sakinləridir.

 

 

Xatırladaq ki, 2018-ci ilin oktyabr ayında İranın 8 əyalətində saxta alkoqollu içikilər qəbul edən 1000-dən çox insanın zəhərlənməsi barədə məlumat yayılmışdı.

 

A.M 

 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar