GünAz TV: Azərbaycanın bütövlüyü ideyasını təbliğ etmək, iki yerə bölünmüş vətənimizin qadınlarının bu milli idealın gerçəkləşməsi istiqamətində birgə mübarizəsinə  nail olmaq, Güneydə milli mübarizədə iştirak edərək təzyiqlərə məruz qalmış qadınlarımızın haqlarını qorumaq  məqsədi ilə dünən “Bütöv Azərbaycan qadınlarının parlamenti”adlı  qurum təsis edilmişdir.

Azərbaycanın bütövlüyü ideyasını təbliğ etmək, iki yerə bölünmüş vətənimizin qadınlarının bu milli idealın gerçəkləşməsi istiqamətində birgə mübarizəsinə  nail olmaq, Güneydə milli mübarizədə iştirak edərək təzyiqlərə məruz qalmış qadınlarımızın haqlarını qorumaq  məqsədi ilə dünən “Bütöv Azərbaycan qadınlarının parlamenti”adlı  qurum təsis edilmişdir. “Bütöv Azərbaycan qadınlarının parlamenti” həmçinin Azərbaycanın bütövləşməsi ideyasının həyata keçirilməsi istiqamətində ideoloji fəaliyyətin qurulmasını, qadınların intellektual potensialının səfərbər olunmasını, bötövlük düşüncəsinin cəmiyyətin ən müxtəlif təbəqələrindən olan xanımlar arasında dəstək qazanmasını, Güney və Quzey Azərbaycan qadınları arasında ortaq milli hədəf və düşüncələri gəlişdirilməsini əsas vəzifə olaraq nəzərdə tutur. Qurumun təşkilat komitəsinə filologiya (dilçilik) e.n. Nuriyyə Şərqi, AEA-nın əməkdaşı, tarix e.n. Yasəmən Qaraqoyunlu, yazar, filologiya e.n Zümrüd Yağmur, Ümid partiyasının ictimai əlaqələr üzrə sədr müavini Aynurə İmranova, AEA-nın əməkdaşı, fəlsəfə e.n.Alov Eyvazova, Türkiyədən Mərmərə Universitetinin doktoru Gülarə Yenisey, Azərbaycanın güneyindən Nazlı Sulduzlu daxildir.

Biz milli hədəfimiz Bütöb Azərbaycana addım-addım yaxınlaşmaq və fars rejimi ilə tək qalan həmvətənlərimizə dəstək üçün bu yola çıxdıq və bu yolda sizə, sizin dəstəyinizə güvəndik!

 

“Bütöv Azərbaycan Qadınları parlamenti”nin məqsəd və vəzifələri

Güney Azərbaycanın Milli müqədəratının təyini və Bütöv Azərbaycan Hərəkatında   

Qadınların aktiv (fəal) iştirakının təmin edilməsi.

•           BÜTÖV  AZƏRBAYCAN qadınlar təşkilatının qurulması. •          BÜTÖV  AZƏRBAYCAN qadınlar təşkilatının missiyası. •          Azərbaycan qadınlar təşkilatının əlaqələndirilmiş fəaliyyətinin təşkili və Güney Azərbaycan uğrunda mübarizəyə yönəldilməsi. •          Beynəlxalq qadın təşkilatları ilə birgə əməkdaşlıq, bu təşkilatlarda Güney Azərbaycan qadınlarının, siaysi repressiya (sərkub) qurbanları barəsində müzakirələrin təşkili. •          Qadın təşkilatlarının beynəlxalq konfranslarda güney Azərbaycan probleminin müzakirəsinə nail olmaq. •          Aydın qadınların, yazar və alimlərin Bütöv Azərbaycan mübarizəsinə qoşulmasına yardımçı olmaq.

 

                      І. Siyasi prosesslərə Bütöv Azərbaycan və milli maraqlar çərçivəsində münasibət bildirmək.

1. Quzey Azərbaycan Dövlətçiliyi və milli mənafeyi ilə bağlı siyasi hadisələr.

2. Güney Azərbaycan problem ilə bağlı hadisələr və Güney Azərbaycan milli hərəkatını etkiləyən siyasi proseslər.

3. Regional (bölgəsəl) siyasi proseslər (sürəc).

4. Qlobal (kürəsəl) siaysi proseslərə (sürəc) münasibət bildirilsin.

Bunun üçün : a) Mətbuat konfransları, birifinqlər, müsahibələr,pressrelizlər,şərhlər və təhlillər.

                       b) Millət vəkilləri, QHT-lərlə yazarlar, elm xadimləri,aydınlarla birgə tədbirlər və    

                           müzakirələr.

                       c) Piketlər (aksiya), dəyirmi masalar.

                        d) Partiya və mətbuat başqanları ilə birgə görüşlər və birgə tədbirlər.

                       e) Səfirlər və diplomatik nümayəndəliklərlə görüşlər.

 

Bütöv Azərbaycanın regional və qlobal prespektivinin (çeşməndaz) əsaslandırılması və bu yöndə beynəlxalq ictimai rəyin formalaşdırılmasına nail olunması. Bu məqsədlə Bütöv Azərbaycanın fəlsəfi, idealoji, iqtisadi, siyasi, kültürəl, dini, tarixi, sosioloji, ədəbi-bədii nəzəri əsaslarının konseptual (idraki) doktrinalarının (doktreyn) hazırlanmasına yönəlik tədbirlər planının həyata keçirilməsi.

•          Elmi proktiki (əməli) konfrans və simpozumların təşkili. •          Dəyirmi masaların, diskussiya klublarının təşkili. •          Simpozium və konfrans materiallarının kitab halında çapına nail olmaq. •          Simpozium və konfranslarda  Güney və Quzey aydınlarının, Türkiyə və Xarici ölkələrdəki Azərbaycan araşdırmaçılarının iştirakını təmin etmək.

 

Güney Azərbaycan probleminin beynəlxalq problemə çevrilməsi üçün görülən tədbirlər.

•          Azərbaycanın parçalanması haqqında beynəlxalq ictimai rəyin yaradılması. •          Güney Azərbaycanın assimiliyasiyası (asimilasyon),etnik miqrasiyalar (köçləri) və yerdəyişmələrə gətirib çıxaran hakim siyasətəin iflası. •          Güney Azərbaycanda dil problemi. •          Güney Azərbaycanda hakim inzibati siyasət,ərazilərin və ostanların vəziyyəti, tarixi və bugünkü günü. •          Etnoqrafik və toponomik adların dəyişdirilməsi, tarixi abidələrin dağıdılması. •          Tarixin saxtalaşdırılması, mədəniyyətinin, resurslarinin  (mənbə) qəsb edilməsi.

Bu kimi problemlərlə bağlı ingilis dilində hesabatların və məlumatların BMT-yə (Birləşmiş Millətlər Təşkilatı) , YUNESKO-ya, ATƏT-ə (Avropa Təhlükəsizlik və Əməkdaşlıq Təşkilatı) , Avropa Şurasının uyğun komissiyalarına, ABŞ (Amerika Birləşmiş Ştatları) və Avropa Konqres və palatalarına, mədəniyyət və hüquq təşkilatlarına göndərilməsi,  Güney Azərbaycandakı assimilyasiya siyasətləri haqqında sənədlər hazırlayaraq Beynəlxalq Məhkəmələrə verilməsini təşkil etmək və müzakirələrə məcbur etmək.

 

Güneydə insan haqqlarının pozulması haqqında ictimai rəyin formalaşdırılması.

•          Güneydə insan hüquqları •          Qadın hüquqları. •          Uşaq hüquqları. •          Siyasi dustaqların hüquqları. •          Repressiya (sərkub) olunanlar, itkin düşənlər, işgəncə və təzyiq altında olanlar haqqında hesabatların hazırlanması və bu barədə beynəlxalq Məhkəmə və Hüquq təşkilatlarına müraciətlərin edilməsi, İnsan Hüquqları Müdafiə təşkilatları və QHT-lərlə (Qeyri Hökumət Təşkilatlarla) birgə konfransların və görüşlərin təşkili, Mətbuatda daim Güneydə insan haqqlarının vəziyyəti barədə hesabatların yayımlanması işinin təşkili.

     2-3 həftədən bir daimi fəaliyyət göstərən Bütöv Azərbaycan Düşüncə məktəblərinin Toplantısının keçirilməsi.

Toplantıdakı məruzə və düşüncələrin internet saytlarında əks olunmasına nail olmaq.

Güney Azərbaycan problem ilə bağlı Türkiyə, ABŞ, Avropa, Yaxın və Orta Şərq, Rusiya,Çin və İndoneziya, Pakistan, Efqanistan, Turkmenistan, Koreya, Hindistan  və. s. aidiyatı ölkələrə səfərlər etməklə müzakirələr, görüşlər, konfranslar keçirmək

•          Azərbaycan diaspor təşkilatları ilə birgə bu ölkələrdə Güney problem ilə bağlı məlumatların yayılmasını təşkil etmək. •          Türkiyənin İran politikası və Güney Azərbaycan problem ilə bağlı siyasətinin dəyişdirilməsi yönündə fəaliyyət göstərmək.