Tahir Abbaslı: ”Urmu gölü məqsədli şəkildə qurudulur və bunun arxasında məkrli siyasət durur”

SON XƏBƏRLƏR

Tahir Abbaslı: ”Urmu gölü məqsədli şəkildə qurudulur və bunun arxasında məkrli siyasət durur”

2021.10.20, 07:36

Gunaz.tv

GünAz TV mətbuat mərkəzinin növbəti müsahibi, İslam Demokrat Partiyasının sədri Tahir Abbaslıdır. Mövzumuz Urmu Gölü ilə bağlıdır.

- Son vaxtlar Güney Azərbaycanda cərəyan edən hadisələri izləyirsinizmi?

- Təbii ki, 30 ildir ki, biz Güney Azərbaycanda baş verən ağrılı və acılı hadisələri izləyirik. Necə illərdir ki, İran islam adı altında xalqı istismar edir. Xalq Allaha və onun İslam dininə xatir, bu illər ərzində Tehranın bu oyunlarına dözürdülər və bu gün isə xalq rejimin bu oyunlarından cana doyub. Həmçinin, bu günə kimi İranın bu siyasətindən ən çox ziyan çəkən tərəf dinimiz və Güney Azərbaycanımızdır.

Bu qənaətdəyəm ki, son illər İranın siyasi hakimiyyəti ardıcıl olaraq, Quzey Azərbaycan və Güney Azərbaycandan olan soydaşlarımızı dəfələrlə məqsədli təxribata çəkirlər. İndi isə Urmu gölü ətrafında 2-ci süni Qarabağ problemi yaratmağa cəhdlər var. Bunun arxasında fars şovinizminin hiyləgər siyasəti durur və bunun başqa adı ola bilməz. - Sizcə, İran rejimi nədən Urmu gölünün qurudulmasını çalışır?- Onu qeyd edim ki, Urmu gölünü məqsədli şəkildə qurutmaq istəyirlər. Çünki bu yolla farslar Güneydə yaşayan türkləri öz vətənlərindən didərgin sala bilərlər. Təsadüfi deyil ki, İran məclisində təmsil olunan fars millət vəkilləri açıqca dedilər ki, orda yaşayan türklər köçüb getsinlər başqa yerlərə. Bunlar elə belə məsələlər deyil, bunun arxasında böyük bir siyasət durur.

İranın siyasi hakimiyyəti Suriyəyə milyardlarla dollar yardım edir. Amma İran öz içində türklərin yaşadığı yerlərin ekoloji (təbiət) problemlərinə nəinki diqqət etmirlər, həm də şüurlu olaraq və bilərəkdən problem yaradırlar ki, orada yaşayan əhali öz vətənlərini tərk edib getsinlər. Urmu gölünə axan bütün çayların önünü kəsmişlər, guya o su ilə tarlaları suvaracaqlar. Ancaq Urmu gölü quruduqdan sonra, külək oradan 10 milyard ton civarında olan duzu bütün ətraf tarlalara aparıb o tarlaları da məhv edəcək. Əsl faciə bundan sonra yaşanmağa başlayacaq. Bu, Tehranın Güney Azərbaycana qarşı bir iyrənc planıdır (tərhidir).

- Rejim bu gedişlə hara gedir və İran rejiminin sonu necə görürsünüz?- Heç şübhəsiz ki, tarixi sürəc mayası zülm və despotizm yoğrulan rejimlərin müqəddəratını həll edərək, tarixin arxivinə (arşıv) göndərəcək. Hesab edirəm ki, əgər bu hadisələrdən İranın siyasi hakimiyyəti düzgün qərar verməsələr, demokratik dəyişiklik adı ilə müsəlman ölkələrində baş verən cərəyanlar burada təkrar olunacaq. İranda rejimə qarşı ən aparıcı güc Güney Azərbaycanda milli hərəkətdir. Çünkü mayasında ədalət və demokratik istəklər var. Rejimi də devirən bu güc olacaq.

Söhbətləşdi: Elnur Eltürk

GUNAZ.TV

SON XƏBƏRLƏR