GünAz TV mətbuat mərkəzinin növbəti müsahibi, Dünya Azərbaycanlılar Konqresi Qadınlar Şurasının və “Dünya” və Ana Uşaq İctimai Birliyinin sədri Dünyaxanım Əliyevadır.

- Dünya Azərbaycanlıları Konqresinin fəal üzvlərindən sayılırsınız. Bu günlərdə DAK-ların birləşməsi ilə bağlı qərar var. DAK-ların birləşməsi və bütövləşməsi istiqamətində qərarı necə dəyərləndirirsiniz?- Dünya Azərbaycanlıları Konqresi dedikdə 50 milyon azərbaycanlıların hüquqlarını qoruyan, onların problemlərini qabardan ümummilli bir təşkilatdan söhbət gedir. DAK adı sanki bütöv Azərbaycan statusunun (vəziyyətinin) üzərindədir. DAK çoх böyük və önəmli bir təşkilatdır. Sözsüz ki, bu təşkilatın diaspora sahəsində uğur qazanması, azərbaycanlıların hüquqlarının qorunması, Azərbaycan həqiqətlərinin tanıdılması istiqamətində böyük addımlar ola bilər və DAK bunu bacarar. Çünki DAK-ın statusu bunu imkan verir. Belə olan təqdirdə sözsüz ki, DAK-ın birləşməsi uğrunda atılan bütün addımlar tərəfimizdən yüksək qiymətləndirəm.Dünya Azərbaycanlıların III Qurultayında Prezidentin diasporla bağlı fikirləri olduqca prespektilvi (çeşməndaz) gələcəkdən xəbər verir. Bu istiqamətdə əlbəttdə ki, ətrafında minlərlə soydaşımızı birləşdirən DAK-ın da üzərinə böyük yük düşür. Deməli, DAK umu-küsüləri kənara qoyub birləşməli, diasporanın güclənməsinə öz töhfəsini verməlidir. Birləşmə istiqamətində atılan addım əslində dövlət başçısı tərəfindən irəli sürülmüş strategiyanın dəstəklənməsi deməkdir. Eyni zamanda hesab edirəm ki, birlik baş versə bizim güclü lobbi və informasiya işimiz də qurulacaq. Artıq hamı bir hədəfə bir yumruqla vuracıq. Mən dostumuz Asif Qurbanovun ”DAK-ların birləşməsi diaspor və güney məsələsinə böyük mənəvi-siyasi dəstək olacaq” fikrin bir daha təkrar etmək istəyirəm. Bir olmaq, birgə hərəkət etmək və güclü diasporu olmaq 50 milyonluq azərbaycanlının da haqqıdır. Ona görə də düşünürəm ki, başlanğıc üçün, DAK-ın parçalanması ilə bağlı tarixi nöqsanımız aradan qalxmalıdır.

- Ümumiyyətlə, bir necə il bundan öncə də DAK-ların birləşməsi ideyası gündəmə gəlmişdi. Amma, nədənsə birləşmə baş tutmadı. Sizcə, bu birliyə nə mane olur və nə etmək lazımdır ki, bu birlik uğurlu olsun?- Bilirsiniz bizim dövlətimizin geosiyasi (dünyada) mövqeyi, təbii sərvətləri və getdikcə artan nüfuzu bəzi bədxah qonşuların və dövlətlərin planlarını (tərhlərini) tam pozur. İllərdir Güney Azərbaycanı əsarətdə saxlayan İran, Bakı neftinə hərislik edən Rusiya, torpaqlarımıza işğalçı kimi soxulan Ermənistan və onların havadarları istəmirlər ki, diasporumuz və lobbimiz güclü olsun. Təəssüf ki, bəzi soydaşlarımız içində bu dövlətlərin oynuna gedənlər də tapıldı. Onların bu illər ərzində apardıqları işdən isə ancaq Azərbaycan zərər gördü. Biz gənc dövlətik, dünya sistemində bugünkü rolu qazanmaq üçün bəzi dövlətlər uzun illər zaman qət edirlər. Lakin biz qısa zamanda bunu etdik. İndi hər kəs başa düşür ki, nə qədər fikir ayrılığı varsa o qədər də xarici təsir güclü olacaq. Buna görə mütləq eyni düşüncə formalaşmalıdır. Milli İdeologiyanı inkişaf etdirmək çox zəruridir. Vətənpərvərlik hissləri gücləndirilməlidir. Xarici ölkələrdə azərbaycanlılar arasında təbliğat işinin fəaliyyətin genişləndirmək zamanı çatıb. - DAK Qadınlar Şurası birlik və bütövləşmə yolunda hansı addımları atmağı planlaşdırır?

- Bizim ətrafımızda fəal xanımlarımızın sayı durmadan artır. Onlar DAK-a cəlb edən Bütöv Azərbaycan ideyası, Qarabağ həqiqətlərinin dünyaya çatdırılması, Güney Azərbaycanda pozulan hüquqlar, dünya azərbaycan qadınlarının haqq səslərinin qorunması, milli birlik ideyasıdır. Biz çalışacığıq ki, bu günə qədər onların bizə etibarların doğruldaq və onların arzularını həyata keçirək. Birlik yolunda əlimizdən gələn bütün işləri ortaya qoymağa hazırıq. Müraciətlər hazırlayırıq, istəyirik bütün qadınlar birlik nümayiş etdirib DAK-ın bütöv olmasında öz dəstəklərin göstərisnlər. İstəyirik gəlcəkdə “Dünya Azərbaycanlı Xanımlar- adlı bir tədqiqat işinə başlayaq. Onların haqqında informasiya bazası yaradaq və sonda bir kitab halında çap edək. Bu addımlarımız əminik ki, DAK-da birlik və bütövlüyə öz töhfəsini verəcək. Söhbətləşdi: Elnur Eltürk