Contact Us

SON XƏBƏRLƏR

İrandan Azərbaycana heroin daşınır

2021.10.20, 07:36
İrandan Azərbaycana heroin daşınır

Gunaz.tv

GünAz TV: Təkcə son günlər ölkəyə daxili orqanlarında narkotik (müxəddir) maddə keçirmək istəyən xeyli şəxs saxlanılıb.

Astara Gömrük idarəsində keçirilən gömrük yoxlaması zamanı İrandan Azərbaycana gələn Salyan şəhər sakini Rüfət Salahovun yoxlamadan yayındırmaq üçün bükülüdə udmağa cəhd etdiyi çəkisi 24.441 qram olan tiryək aşkar olunaraq götürülüb.

İrandan Azərbaycana gələn İran vətəndaşı Fərid Rəsulun idarə etdiyi “Mersedes” markalı sərnişin avtobusuna baxış zamanı avtobusun yük yerində, içərisindəki yükdə 3 cüt ayaqqabının daban hissəsində xüsusi qaydada kəsilərək yerləşdirilmiş, kapirovka (karbon) kağızına bükülmüş formada 6 ədəd bağlamada ümumi çəkisi 295.88 qram təşkil edən heroin aşkar edilib. Digər yoxlamalar zamanı İrandan ölkəyə qayıdan Lerik şəhər sakini Mübariz Məmiyevin üzərindən 70 qram həşiş qətranı, Lənkəran rayon (şəhər) sakini Emin Əhmədovdan 5.938 qram heroin, Şakir Qafarovun üzərində aparılmış tibbi müayinə nəticəsində, onun düz bağırsağında polietilenə bükülmüş formada, 1 ədəd bağlamada çəkisi 45.010 qram olan heroin və xalis çəkisi 6.150 qram təşkil edən tiryək, Gəncə şəhər sakini Elçin Yusifovun idarə etdiyi nəqliyyat vasitəsinin kardanında xüsusi üsullarla gizlədilmiş 3010 qram heroin aşkar olunaraq götürülüb.

DGK və Sərhəd Xidmətinin birgə keçirdiyi əməliyyat-axtarış tədbirləri nəticəsində Astara sakini Feyzulla Axundov İrandan gələrkən və Sərnişin şöbəsində gömrük nəzarətindən keçirilib. Onun üzərində aparılmış şəxsi yoxlama zamanı düz bağırsağında polietilenə bükülmüş formada, 2 ədəd bağlamada olmaqla, ümumi çəkisi 53 qram təşkil edən heroin və ümumi çəkisi 12 qram təşkil edən həşiş aşkarlanıb(APA).

Biləsuvar Gömrük Sərhəd Buraxılış Məntəqəsində isə I Azərbaycan vətəndaşı Həsən Həsənovun üzərində aparılmış şəxsi yoxlama zamanı tibbi müayinə nəticəsində onun düz bağırsağından, sellofana (naylon) bükülü bir bağlamada 8 ədəd üzərində “ddp-M40" nişanəsi olan qəhvəyi rəngli, ”Metadon" adlı və 6 ədəd ağ rəngli, “Tramadol” adlı həblər, Arif Məlik-Yeqanovun düz bağırsağından isə, polietilenə bükülü 4 ədəd bağlamada 29.108 qram heroin aşkar edilərək götürülüb. Azadlıq qəzeti

SEÇİLMİŞ XƏBƏRLƏR

Çox oxunanlar