GünAz TV: İran İslam Respublikası (Cümhuriyyəti) dünyaya özünü ermənilərin himayəçisi kimi göstərməkdədir.

Xristianlığı (məsihiliyi) qəbul edənləri, bəhailəri, zərdüştiləri dar ağacından asıb,onlar çeşidli cəzalar  verən rejimin davranışından belə çıxır ki, o, vicdan azadlığına sayğı ilə yanaşır. Halbuki baş verənlər bunun əksini dəfələrlə təsdiqləyib.

İran hakimiyyətinin vicdan azadılğına yanaşmasını bu yazımızda dəyərləndirmək niyyətində deyilik. Bunu sadəcə olaraq, yada saldıq, erməniləri xristian olduğunu görə, müdafiə edən bu İslam Respublikası əslində çox eybəcərdir. O, müsəlman Fələstin ərəblərdən istifadə etdiyi kimi elə ermənilərdən də öz məqsədi üçün isttifadə edir.

Qərbi Azərbaycan əyalətinin Qarakilsə kilsəsinə hər il dünya ermənilərinin dini mərasimə toplaşması bir adətə çevirilib.

«İRNA»-nın məlumatına əsasən, əyalətin Çaldıranda bununla bağlı əlaqələndirmə şurasının toplantısında rayonun (şəhərin) rəhbəri Həmidrza Kulipur söyləyib.

«İyulun 21 – də Qarakilsəyə dünyadan 5 min xristianın (əslində erməninin-S.S.) gələcəyi gözlənilir.Ona görə də biz tədbirin yüksək səviyyədə keçməsi üçün davamlı rabitəni, təcili tibbi yardım işini və s. təmin edəcəyik»-deyə başçı bildirib.

Azərbaycandakı erməni kilsəsinin başçısı Meloyan Qərbi Azərbaycan əyaləti rəhbərliyinə bu yöndə gördüyü işlərə görə təşəkkür edib. Keşiş saxtalaşdırılımış tarixdən və İslam Respublikası rəhbərliyinin etnik azlıqlara göstərdiiyi sayğıdan da danışıb:«Qarakilsə kilsəsi Qərbi Azərbaycanda UNESKO-nun mədəni irsi siyahısına düşmüş üçüncü tarixi abidədir.Ermənilər inanır ki, bu kilsənin yerində İsanın həvvarilərindən biri – Faddey dəfn olunub. Bu İranda milli azlıqların haqqının qorunmasına bariz örnəkdir».

Xatırladaq ki, ötən il iyulun 29-da Güney Azərbaycanın Urmiya şəhərində dünya ermənilərinin idman festivalının açılış olmuşdu. 10 gün davam etmiş bu mərasim Urmiyanın Çarbaş məhəlləsində ermənilərə məxsus idman klubunda gerçəkləşdirilib.

Festivalda  Ermənistan, Livan, İran, İraq, habelə Avropa və Amerika ölkələrində yaşayan ermənilər iştirak edəcək.

Tədbir İran məclisi, İslam Respublikası Bədən Tərbiyəsi İdarəsi və iranlı ermənilər qurumu tərəfindən təşkil olunmuşdu.2009-cu ildə keçirilən Bku mərasimə 2 min erməni qatılmışdı. Onlar Urmiyanın ən bahalı sahilyanı mehmanxanalarında qalırmışdılar.

Onu da qeyd edək ki, İran hakimiyyəti dünya ermənilərinin Güney Azərbaycanın Çaldıran rayonunda Qarakilsə adlı kilsəyə toplaşaraq, dünya ermənilərinin tədbirini keçirməyə şərait yaradır. Bu mərasimdə Tehran hakimiyyətinin rəsmiləri çıxış edir. Orada «ermənilərin problemləri» və «soyqırım» kimi saxta tarixi hadisələrdən də danışırlar.

İslam Respublikasının Ermənistandakı səfiri Seyidəli Saqaian bildirib ki, Tehran Universiteti ilə Yerevan Universiteti arasında ələd edilmiş anlaşmaya əsasən, İran paytaxtanda Ermənişünaslıq Mərkəzi yaradılacaq. Bu tədbir «Ermənistan və İran İslam Respublikası arasında 2010-2013-cü illərdə elm, təhsil və texnologiyalar sahəsində əməkdaşlıq proqramı» çərçivəsində gerçəkləşdirilib.

Dünya Azərbaycanlılarının qurultayı keçirildikdən, yaxud dünya azərbaycanlıları ilə bağlı tədbirdən sonra İslam Respublikasının rəhbərliyi ermənilərə xoş münasibəti ilə bağlı bir mərasim təşkil edir. Tehran hakimiyyəti Azərbaycan torpaqların işğal etmiş ermənilər vasitəsi ilə dünya azərbaycanlılarına acıq verdiyini zənn edir, eləcə də rəsmi Bakıya basqıları artırır ( Dünya Azərbaycanlılarının 3-cü qurultayında Güney Azərbaycanla bağlı məsələ müzakirə edilmədi).

Bütün bunların fonunda islamçı İran rejimi ilə işğalçı Ermənistan arasında bu və buna bənzər yaxınlaşmaların əslində nəyə xidmət etdiyi sirr deyil. Türklərə qarşı olduğuna görə Tehranla Yerevan biri-birindən asılıdır. Ermənilər isə İslam Respublikasının onlardan daha çox aslılığı söyləyirlər.

Bir müddət öncə erməni politoloqu  (siyasi şərhçi) Levon Məlik-Şahnazaryan belə bir bəyanatla çıxış etmişdi: «İranın Ermənistana, Ermənistanın İrana möhtac olduğundan daha böyük İranın Ermənistana, Ermənistanın İrana möhtac olduğundan daha çox ehtiyacı var.  İranın Ermənistandan başqa bölgədə heç bir müttəfiqinin olmadığını nəzərə alsaq, bu nöqteyi-nəzər təkzibedilməz xarakter alır. Əgər İrana aparan yol bizim üçün ancaq İrana aparan yoldursa, Ermənistana yol İran üçün onu Avropa ilə birləşdirən yoldur. Güman edirəm ki, bu kontekstdən (zaviyədən, cəhətdən) baxanda bizim ölkələrimiz arasındakı münasibətləri heç nə poza bilməz».

Bax,belə. İran Qarkilsədə, Güney Azərbaycanda, Azərbaycan torpaqlarını işğal etmişlərə mərasim düzənləyir.Onların həmin yığıncaqlarda saxta erməni tarixindən danışmasına, Azərbaycanın tarixi torpaqlarının «erməniləşdirilməsinə» imkan yaradır. Lap elə Türkiyəyə qarşı olan terrorçu kürdləri dəstəkləyib,onların Güney Azərbaycan torpaqlarına köçməsinə şərait yaratdığı kimi. Ancaq indi İran hakimiyyəti həmin terrorçulara qarşı mübarizə apardığını bəyan edir. Bu mübarizə gec deyilmi?Nə isə… bir də qoynunda bəslədiyi ermənilərin də oxşar davranacağı isttisna edilmir…

Sədrəddin Soltan