GünAz TV: İran prezidenti ölkənin Ali dini liderinə qarşı rinqə çıxdığı bir vaxtda, BBC-nin İran müxbiri Prezident Əhmədinejadın yumruqrlarının öz çəkisinə uyğun olub-olmadığını araşdırıb.

Mahmud Əhmədinejad mübahisə etməyi sevir. İran prezidenti iki ABŞ (Amerika Birləşmiş Ştatları) prezidenti, İranın müxalif Yaşıllar Hərəkatı, Avropa İttifaqında bir çox ölkələr, İranın İnqilab Keşikçiləri (Sepahilər) və bir çox mühafizəkar millət vəkillərilə cəngə çıxmaqla ad qazanıb.

Yəqin ki, bunların yetərli olmadığını düşünən cənab Əhmədinejad öz siyahısına daha bir opponent (hərif) əlavə edib: İranın Ali dini lideri Ayəyulla Əli Xameneyi və yaxud sadəcə, öz ağası.

"Məncə, Əhmədinejad özü haqqında böyüklük illüziyaları (təvəhhom) olan biridir" - Vaşinqtondakı Carnegie Endowment institutundan Kərim Səccadpur belə deyir.

"O özünü inqilabçı və müdrik lider kimi görür… Ona qarşı belə saymazlıq labüd idi, çünki Əhmədinejad sadəcə prezident olmaqla kifayətlənmir".

Prezident və Ali dini lider arasında mübarizə ona görə başlayıb ki, onların İranın gələcyilə bağlı fikirləri fərqlidir.

Əli Xameneyi İslam İnqilabını qorumaq istəyir - Ayətulla Xomeyninin ona iyirmi il əvvəl nəsihət etdiyi kimi.

Ancaq cənab Əhmədinejad bunu dəyişmək istəyir. O və müttəfiqləri hakimiyyəti ruhanilərin əlindən almaq istəyir.

Ancaq İranda yalnız bir mütləq rəhbərə yer var və o, Ali dini liderdir, prezident yox.

Ayətulla Əli Xameneyinin İslam İnqilabını qoruyan qüvvələr - İnqilab Keşikçilərilə uzun müddətdən bəri davam edən müttəfiqliyi var.

Bu müttəfiqlik Ali Dini Liderin hakimiyyətinin əsasını təşkil edir. Parlament Ayətullanın və İnqilab Keşikçilərinin tərəfindədir. Mahmud Əhmədinejadın İranın işçi sinfi arasında böyük dəstəyi olduğu deyilir.

Amma o, Ayətullanın malik olduğu hakimiyyət rıçaqlarının (mənbələrinin) heç birinə sahib deyil. Cənab Əhmədinejad aprel ayında İranın Kəşfiyyat nazirini işdən çıxaranda, Ayətulla onun qərarını asanlıqla ləğv etdi.

Ali Dini Lider və onun İnqilab Keşikçilərindəki tərəfdarları 2013-cü ildən sonra nə baş verəcəyini gözləyirlər. Həmin il Mahmud Əhmədinejadın prezidentlik müddəti başa çatacaq. Konstitusiya (Anayasa) onun üçüncü müddətə prezident olmasına icazə vermir.

Cənab Əhmədinejad yaxın dostu, keçmiş adminstrasiya (nəhade riyasəte cümhuri) rəhbəri Esfandiyar Rahim Maşaeyi öz davamçısı kimi görmək istəyirdi. Cənab Maşaey "Ruhanilərsiz İslam" şüarını irəli sürmüşdü.

Nəticədə isə, Ali dini liderin ofisi cənab Əhmədinejad, cənab Maşaey və onun tərəfdarlarına qəzəbləndi. Onların bəziləri həbs olundu və hətta cadügərlikdə günahlandırıldı.

Paris kənarındakı malikanədə yaşayan bir kişi prezident və Ali dii lider arasında toqquşmanın nəticəsinin nə olduğunu hamıdan yaxşı bilir.

Abolhəsən Bənisədr 1980-ci ildə İran prezidenti seçilmişdi. Mahmud Əhmədienjad kimi o da öz Ali dini liderilə - o zaman Ayətulla Xomeneyilə mübahisə etdi.

Və cənab Bənisədr mübarizəni uduzdu.

Prezidentliyə gələndən bir il sonra parlament ona qarşı impiçment (cürm elanı) elan etdi. Və artıq otuz ildir ki, o, sürgündə yaşayır. O inanır ki, sonda həm Əli Xameneyi, həm də Mahmud Əhmedinejad məğlub olacaq.

"Xameneyi artıq uduzub, çünki onun başqa seçimi yoxdur" - deyir Bənisədr. "O, bu adamı prezident edib, indi də onu məhv edir. Bundan sonra nə qalır? Ərəb hərəkatları qızışdıqca, onun da bir yolu qalır - o da getməkdir".

Ancaq bu, proqnozdan (öngörüdən) daha çox arzu ola bilər.

Ayətulla və onun İnqilab Keçikçilərindəki güclü tərəfdarları geri çəkilməyəcək.

Mahmud Əhmədinejad udacağını düşünə bilər. Amma o, yada salmalıdır ki, özündən əvvəl bu cür hərəkət edən adamın aqibəti necə oldu - həmin şəxs indi Versala gedən yolun üstündəki evində oturub İranı sürgündən seyr edir. BBC