Rəsmi Moskva Qarabağ formatını dəyişməyə qarşıdır

SON XƏBƏRLƏR

Rəsmi Moskva Qarabağ formatını dəyişməyə qarşıdır

2021.10.20, 07:36

Gunaz.tv

GünAz TV: Moskvada Ermənistanın xarici işlər naziri Edvard Nalbandyanla görüşdən sonra Rusiyanın xarici işlər naziri Sergey Lavrov bəyan edib ki, vasitəçilik formatını dəyişdirmək cəhdləri zərərlidir.

Rusiyalı nazir deyib ki, "indi biz mahiyyət etibarıyla elə vəziyyətə çatmışıq ki, qərar qəbul olunmalıdır. Xüsusilə belə əhəmiyyətli məqamda mən zənn etmirəm ki, vasitəçilik formatının dəyişdirilməsi üzrə söz-söhbətlər xeyir gətirsin".

Qarabağ münaqişəsinin nizamlanması üzrə əsas vasitəçiliyi Minsk qrupunun Rusiya, ABŞ (Amerika Birləşmiş Ştatları) və Fransadan olan həmsədrlər həyata keçirir. Bu vasitəçiliyin son illər ərzində elə bir əhəmiyyətli nəticələrə gətirməməsi haqda çoxsaylı bəyanatlar səslənib.

GünAz TV mətbuat mərkəzinin BBC-yə istinadən yaydığı məlumata görə. Sergey Lavrov bildirib ki, yaxınlarda Rusiya prezidenti Dmitri Medvedev Moskvanın Qarabağ münaqişəsinin nizamlanması üzrə gələcək addımları haqda qərar çıxaracaq. Nazir nizamlanmanın vacib məqamlarının uzlaşdırılmasının davam etdiriləcəyinə ümidvar olduğunu bildirib.

Rusiya mətbuatına görə Kazanda Rusiya, Azərbaycan və Ermənistan prezidentlərinin iyun (June) ayındakı görüşünün nəticəsiz bitməsi Moskvanı məyus edib. Bəzi rəylərə görə, Rusiya hətta bir müddət fəal vasitəçilikdən əl çəkmək qənaətinə yaxın idi.

Ancaq, şərhçilərə görə, istənilən halda Moskva faktiki (gərçək) əsas vasitəçi rolunu əlindən vermək fikrində deyil, odur ki, 3-tərəfli formatda görüşlər çox güman bu və ya digər şəkildə davam etdiriləcək.

GUNAZ.TV

SON XƏBƏRLƏR