Contact Us

SON XƏBƏRLƏR

Münaqişənin həlli ilə bağlı əsas təklifləri Moskva hazırlayır

2021.10.20, 07:36
Münaqişənin həlli ilə bağlı əsas təklifləri Moskva hazırlayır

Gunaz.tv

GünAz TV: Vasitəçi ölkələr Dağlıq Qarabağ münaqişəsinin həllilə bağlı yeni təkliflər təqdim etməyə hazırlaşır.

İlk təklifləri Rusiya prezidenti Dmitri Medvedvin hazırladığı bildirilir. ATƏT-in (Avropa Təhlükəsizlik və Əməkdaşlıq Təşkilatı) Minsk qrupunun həmsədrləri və Rusiya prezidenti Dmitri Medvedev münaqişənin həllində səyləri artırmaq niyyətindədir. İşğalçı ölkənin prezidenti Serj Sarqsyan bildirib ki, Dmitri Medvedev, ona zəng edərək öz təkliflərini yazılı formada göndərəcəyini bildirib. «Ümid edirəm ki, yaxın vaxtlarda biz bu təkliflərlə tanış olacağıq. Çox güman ki, prosesin (sürəcin) sonrakı gedişi bundan asılı olacaq». Sarqisyan belə deyib. Yeri gəlmişkən, Rusiyanın xarici işlər naziri Sergey Lavrovla Azərbaycanın xarici siyasət idarəsinin rəhbəri Elmar Məmmədyarov arasında telefon danışığı olub. Təşəbbüs Rusiyadan gəlib. Tərəflər bir sıra aktual məsələlərə dair müzakirələr aparıblar. Lavrov azərbaycanlı həmkarını Moskaya dəvət edib. Ekspertlər hesab edir ki, bu dəvət nizamlama prosesinin sonrakı mərhələsinə dair müzakirələrlə bağlıdır. Məqsəd Medvedevin Sarqsyana göndərəcəyi təkliflərlə rəsmi bakını da tanış etməkdir. Ehtimal olunur ki, nizamlama prosesinin sonrakı mərhələsində də Rusiya fəallığını qoruyub saxlayacaq. Çox guman ki, Moskvanın irəli sürəcəyi təkliflər digər vasitəçi ölkələr tərəfindən də qəbul ediləcək. Gələn həftə isə həmsədrlərin regiona növbəti səfəri gözlənilir. Yeri gəlmişkən, bu aydan vasitəçilərin tərkibində də dəyişiklik olacaq. Gələn həftə fransalı həmsədr Bernar Fasyenin vasitəçi kimi regiona (bölgəyə) son səfəri baş tutacaq. Fransalı diplomat bununla da missiyasını (görəvini) başa vurur və təqaüdə göndərilir. Onu kimin əvəz edəcəyi isə hələ ki, məlum deyil. Qarnaq: LiderTv

SEÇİLMİŞ XƏBƏRLƏR

Çox oxunanlar