Qərbi Azərbaycanda məktəb binaları çatışmır: Problem yerli əhalinin hesabına aradan qaldırılır

SON XƏBƏRLƏR

Qərbi Azərbaycanda məktəb binaları çatışmır: Problem yerli əhalinin hesabına aradan qaldırılır

2022.02.08, 12:20

Gunaz.tv

Sepidə Təyyib Qasimi əyalətin müxtəlif bölgələrində məktəb çatışmzalığının aradan qaldırılması üçün yerli əhali və xeyriyyəçilərin 70 milyard tümən vəsait ödədiklərini deyib.

Onun sözlərinə görə, cari günəş ili üçün məktəb tikintisi ilə bağlı xeyriyyəçilər tərəfindən nəzərdə tutulan ödənişlərin 75:-i ödənilib və qalan hissəsinin mart ayına kimi ödəniləcəyi gözlənilir.

“Fəcr” on günlüyü, inqilabın ildönümü münasibətilə 48-i Urmu şəhərində olmaqla 168 sinif otağından ibarət 31 məktəbin açılışı olub və ya olacaq”-deyə, Təyyib Qasimi bildirib.

Məktəblərin Təmiri və Texniki Təchizi İdarəsinin başçısı cari günəş ilində toplam 1900 sinifdən ibarət 282 məktəbin tikintisi üçün 135 milyard tümən büdcə xərcləndiyini, 10600 şagirdin oxuyacağı bu məktəblərin maliyyəçilərinin yerli xeyriyyəçilər olduğunu qeyd edib.

Qeyd edək ki, bir meddət bundan öncə, 2021-ci ilin dekabr ayının 6-da mətbuata açıqlama verən Sepide Təyyib Qasimi bildirib ki, Qərbi Azərbaycan əyaləti təhsil göstəriciləri üzrə İranda 31 əyalət içində 29-cu yeri tutur.

Özəlliklə son ilər İran hökuməti bir çox sahələrə olduğu kimi məktəblərin tikintisi üçün yetərli vəsait ayırmır.

Yerli məsullar dövlətin büdcə çatışmazlığını bəhanə gətirərək problemin yerli əhali, iş adamları və xeyriyyəçilər hesabına həll edilməsini istəyirlər.

C.E

GUNAZ.TV

SON XƏBƏRLƏR