İranı vura bilərlər

SON XƏBƏRLƏR

İranı vura bilərlər

2021.10.20, 07:36

Gunaz.tv

GünAzTv:

Zərdüşt Əlizadə: «İrana qarşı mükəmməl hücum planı cızılıb və müxtəlif variantlar müzakirə olunub»

Son günlər dünya mətbuatında Iran-Israil və Iran-ABŞ münasibətlərinə daha çox yer ayrılır. Bu istiqamətdə müxtəlif səpkidə proqnozlar verilir. Iki gün əvvəl isə Rusiya silahlı qüvvələri baş qərargah rəisi Nikolay Makarov ABŞ-ın Irana zərbə endirmək planının olduğunu bildirib. Lakin bu zərbə bütün region üçün mənfi nəticələrə səbəb olacaq. Maraqlıdır ki, bu arada Rusiya xarici işlər naziri Sergey Lavrov Iran uranın zənginləşdirilməsi proqramını dayandırmağa çağırıb, əks halda BMT TŞ-nın Iranla bağlı sanksiyalar tətbiq edəcəyini deyib.Bu vaxta qədər dəfələrlə Irana zərbələrin endiriləcəyi barədə məlumatlar verilsə də, sonradan bu proqnozlar özünü doğrultmurdu. Bəs bu dəfə necə, zərbələrin endiriləcəyi ilə bağlı planlar həyata keçəcəkmi?Məsələyə münasibət bildirən politoloq Zərdüşt Əlizadənin fikrincə, ABŞ-ın Irana qarşı mükəmməl hücum planı hazırlaması istisna deyil. Artıq bununla bağlı müxtəlif variantlar da müzakirə olunub: “Baş qərargahlar ehtimal edilən rəqiblər əleyhinə daim planlar hazırlayırlar, bunun üzərində işləyirlər. Baş əməliyyat idarəsinin vəzifəsi budur. Sovet dövründə dəfələrlə üçüncü dünya müharibəsi, lokal müharibələr planları, Amerika baş qərargahında daim müxtəlif ölkələrə qarşı hərbi əməliyyat planı cızılır. NATO baş qərargahında belə planlar hazırlanır. Təbii ki, Irana qarşı da mükəmməl bir hücum planı cızılıb və müxtəlif variantlar müzakirə olunub. Amma siyasi qərar verilməsi prezidentdən və ABŞ prezidenti nəzdində təhlükəsizlik şurasından asılıdır”.Ekspertin fikrincə, Iran hücuma əsas verməyən siyasət də qura bilər. Lakin hər şey konkret hadisələrin gedişindən asılıdır. Iran imkan verməyəcək ki, kimsə onu nüvə proqramını inkişaf etdirmək hüququndan əl çəkməyə çağırsın. O deyir ki, bu hüquqlar beynəlxalq sənədlərdə yazılıb. Kimsə mənə təsir edib bu hüququmdan məhrum edə bilməz. Indi baxıb görək hadisələr necə inkişaf edəcək. Əlbəttə ki, Iranın müttəfiq kimi ümid etdiyi Rusiya və Çin öz maraqlarından çıxış edir. Buna görə heç kəs onları qınaya da bilməz. Amma hələlik Rusiya və Çin ABŞ-ın ümumi embarqo planını müzakirə edir. Hücum əməliyyatında isə yalnız Amerika və Israil iştirak edəcək. Bunun üçün Fars körfəzində olan ölkələrin ərazilərindən istifadə edəcəklər. Bu da o deməkdir ki, həmin dövlətlər Iranın ilk zərbələrinə məruz qala bilərlər”.Fizzə

GUNAZ.TV

SON XƏBƏRLƏR