Vəfa Quluzadə: «Iranı Israilin onun qonşuluğunda – Azərbaycanda möhkəmlənməsi ciddi narahat edir»

Vəfa Quluzadə: «Iranı Israilin onun qonşuluğunda – Azərbaycanda möhkəmlənməsi ciddi narahat edir»

Elxan Poluxov: «Iranın dövlət rəsmiləri Israil ilə Azərbaycan arasında münasibətlərin inkişafından narahatlıq bildirməyiblər»

Iran-Azərbaycan münasibətlərinin hazırkı vəziyyətiylə bağlı müxtəlif fikirlər səslənməkdədir. Bu mövzunu son zamanlar Azərbaycanla Israil arasında yaşananlar da aktual edir. Iran və Azərbaycan parlamentlərarası dostluq komissiyasının üzvü və Parsabad əhalisinin Iran Islam Şurasındakı nümayəndəsi Vəkil Sepəhin mətbuata açıqlaması da bu qəbildəndir. Israil ilə Azərbaycanın yaxınlaşmasından rəsmi Tehranın narahatlıq keçirdiyini vurğulayan V.Sepəh eyni zamanda iqtisadi münasibətlərə də toxunub.O bildirib ki, ABŞ, Ingiltərə, Israil, Fransa və digər ölkələrdən iş adamlarının Azərbaycan iqtisadiyyatına sərmayə qoymaları və burada böyük şirkətlər təsis etmələri zamanı problemlə üzləşmirlər. Amma iranlı iş adamları Azərbaycanda şirkət açmaq və sərmayə yatırmaq məsələsində bəzən çətinliklərlə qarşılaşırlar.Məsələyə rəsmi strukturların mövqeyini öyrəndik. Xarici Işlər Nazirliyinin mətbuat xidmətinin rəhbəri Elxan Poluxov bildirdi ki, Iranla Azərbaycanın münasibətləri yetərincə yüksək səviyyədədir və durmadan inkişaf edir. Bu baxımdan E.Poluxov millət vəkilinin söylədiklərini onun mövqeyi kimi dəyərləndirir. “Iranın dövlət rəsmiləri nə Israil ilə Azərbaycan arasında münasibətlərin inkişafından, nə də iranlı iş adamların üzləşdikləri çətinliklərdən narahatlıq ifadə ediblər”, deyə E.Poloxov vurğuladı.Politoloq Vəfa Quluzadə isə hesab edir ki, millət vəkilinin açıqlamasında təəccüblü heç nə yoxdur. Bəyanatın Israil-Azərbaycan münasibətlərinin Tehranı ciddi narahat etdiyini bir daha ortaya qoyduğunu deyən V.Quluzadə bildirdi ki, buna da səbəb Iranla Israilin demək olar, müharibə vəziyyətində olmasıdır: “Iran Israilin onun qonşuluğunda möhkəmlənməsindən narahatdır. Bu da təsadüfi deyil. Məsələn, bu günlərdə Iran prezidenti Israilin Irana hücum etmək niyyətində olduğunu dilə gətirdi. Təbii ki, bizim regionda bu cür gərginliyin olması arzuolunan deyil. Çünki əgər Iran Israil barədə bu cür bəyanatlar səsləndirirsə, Israilə qabaqlayıcı zərbə də vura bilər ki, bu da proseslərin nəzarətdən çıxmasına səbəb ola bilər”. Rusiyanın Irana satmağı planlaşdırdığı C-300 raket kompleksiylə bağlı müqaviləni təxirə salmasının da təsadüfi olmadığını vurğulayan V.Quluzadə bildirdi ki, Kreml hazırda həm ABŞ-ın, həm də Israilin təzyiqləriylə üz-üzədir. Yaranmış situasiyada isə Irana hərbi köməyi davam etdirmək çətindir.Xəyal