«Xəstələr var idi ki, onlar növbədə dururdular, bu da narazılığa səbəb olurdu. Dünən polislə əhali arasında qarşıdurma yaşandı». GünAzTv:

«Xəstələr var idi ki, onlar növbədə dururdular, bu da narazılığa səbəb olurdu. Dünən polislə əhali arasında qarşıdurma yaşandı». Bunu AzadlıqRadiosunun cənub bölgəsində olan müxbiri Müstəcəb Məmmədov sərhəd məntəqələrindəki vəziyyət barədə məlumat verərkən deyib:- Dünəndən hiss olunur ki, sərhəddə qayda yaratmağa çalışırlar. Sərhəd qoşunlarının generalı üç gündür ki, burdadır. Qayda yaratmaq üçün müəyyən qədər işlər görülür. Əvvəllər həftənin birinci, ikinci, üçüncü günləri Astaradan 45 km məsafədə yaşayanlar İrana gedirdilər, eyni zamanda iranlılar da bu tərəfə gəlirdilər. Bu qaydaya yüksək səviyyədə nəzarət edilirdi, elə bir problem yox idi. Viza ləğv olunandan sonra adamların sayı artdı. Hətta Orta Asiyadan da adamlar gəlib, İrana keçmək istəyirlər. Bu da növbə, qarşıdurma, polis və vətəndaşlar arasında narazılıq yaradırdı. Bu narahatlıq dünəndən müəyyən qədər aradan qaldırılıb. Əhalinin 60–70 faizi hər gün gedənlərdir. Onlar İrana yük aparırlar, iranlılar da pul alırlar. İnsanların da ən çox marağı bunadır. Xəstələr də var ki, onlar növbəyə dururlar bu da narazılığa səbəb olur. Dünən polislə əhali arasında qarşıdurma yaşandı. Hal–hazırda növbə yoxdur. O hallar yaşanmır.Proqramın digər qonaqları Azərbaycan Miqrasiya Mərkəzinin rəhbəri Əlövsət Əliyev və fotoqrafçı Abbas Atilay məsələyə münasibətlərini bildiriblər. Əlövsət Əliyev:- Sərhəd buraxılış məntəqələrində problemlər var, bu da növbəli sistemə gətirib çıxarır. Astara gömrük sərhəd buraxılış məntəqəsi hələ SSRİ dövründən əhəmiyyətlidir. O daha çox yüklü maşınlar üçündür. Adamlar sadəcə bir şəxs tərəfindən yoxlanılır. Əlövsət Əliyev Problem yalnız sərhəd buraxılış məntəqəsinin problemi deyil. Bu Azərbaycanda insanların yaşayış səviyyəsində mövcud olan problemdir. Problemlərdən biri odur ki, gedənlərin 40-50 faizi müalicəyə gedirlər- bu da Azərbaycanda səhiyyə sisteminin yaxşı olmamasının göstəricisidir. İnsanlar İrana minimum ehtiyaclarını ödəmək üçün gedirlər. Təkcə müalicə deyil. Müqavilənin şərtlərinə görə İran İslam Respublikasının vətəndaşları Azərbaycana viza alıb gəlməlidirlər, Azərbaycan Respublikasının vətəndaşları İrana vizasız gedirlər. Başqa bir səbəb də odur ki, son vaxtlar Azərbaycan vətəndaşları arasında güclü özünə qapanma gedir. İnsanlar hər şeydən ümidlərini üzüblər, ziyarətgaha getməklə, Allaha dua etməklə çıxış yolu axtarırlar. İrana axın həm də bununla bağlıdır. Abbas Atilay:- İnsanların 90 faizi İrana gündəlik tələbatlarını ödəmək üçün gedir. Orada məhsullar buradan qat – qat ucuzdur. Mən inanmıram ki, standart Azərbaycan vətəndaşının səyahət etmək imkanı var. Ən azı tətilə çıxmaq imkanı var. İmkanı olan insan da bu vaxtını səmərəli keçirmək istəyər, İrana getməz. İran elə bir ölkədir ki, orta əsr ölkəsi kimidir. Həm azad olduğunu hiss etmirsən, həm də insanların estetik görkəmi, geyimləri basqı yaradır. Ziyarətə getməyi bura daxil etsək ən azı həftədə bir avtobus Məşhədə gedir. İrandan Azərbaycana gəlmiş Məhəmməd Rza Ləvai və Urmiyadan jurnalist İsmayıl Cavadiİrana gedənlər və İrandan gələnlər barədə danışıblar:Məhəmməd Rza Ləvai:- İrandan gedənlər və bura gələnlər müəyyən məqsəd üçün gəlirlər. Bu bir az da iki tərəfin siyasətindən asılıdır. Mən birinci dəfə gələndə gördüm ki, Lənkəranda dini şəkillər satılır. Bəzi insanlar gördüm ki, İranı özlərinə məbəd bilirlər. Dini baxımdan İrana vurulublar. Bizə uzaqdan vurulublar. İrandan isə Azərbaycanı görmək üçün gəlirlər. Mən gəlib gördüm ki, İran mollasının əlini öpürlər. Azərbaycanda bu cür mənfi təsirlər aparırlar. Azərbaycanlılar da düşünürlər ki, orada bir şey var. Xalq üçün dini qayıdış var burada. İsmayıl CavadiAmma gərək dinin yumşaq tərəfinə qayıdış ola, daha İrana yox. İran burada dini baxımdan çox reklamlar aparır. Biz sərt diktatorluqla döyüşürük. Bizim səsimiz çatmır dünyaya. İsmayıl Cavadi:- Viza məsələsi ortaya çıxandan sonra Şimali Azərbaycandan Urmiya şəhərinə gəliş az olur. Aldığımız xəbərlər belədir ki, Şimali Azərbaycandan Təbriz ətrafında yerləşən şəhərlərə gələnlər çox olub. Vizanın götürülməsi millət arasında da maraq oyadıb. 1919–cu illərdən bəri İran Azərbaycanı ilə Şimali Azərbaycan arasında bəzi münasibətlər olub. Amma kültürün bir olması, dilin bir olması iki tərəfin insanlarında maraq yaradır. Bu gün Təbrizdə, Urmuda o taya möhtəşəm baxış var. Turizm inkişaf edir. Çox mədəni alış – verişlər olur. Astara məntəqəsində, o mahalda yaşayan İran azərbaycanlıları həmişə Şimali Azərbaycana getməkdə və ticarət aparmaqda maraqlı olublar. Onun qarşılığında xüsusilə Naxçıvandan gələn soydaşlarımız bu tərəfdə isti qarşılanır, bu da ticarətə də, turizmə də təsir edir. Dünya Azərbaycanlıları Konqresindən Əlirza Amanbəyli isə deyib ki, İran Azərbaycanda sabitliyi pozmaq istəyir:- İranın birtərəfli qaydada viza rejimini ləğv etməsində bir hədəfi var. İrandakı gərgin siyasi durumla bağlı qonşu dövlətlərdə İrana qarşı olan təhlükəni qarşılamaq məqsədi ilə bu vizanı ləğv etdi ki, Azərbaycandan ora, İrandan da Azərbaycana gəlsinlər. Bu məsələnin arxasında İranın Azərbaycanda dini məsələləri bəhanə edərək milli birliyi, sabitliyi pozmaq, beynəlxalq ictimaiyyətdə Azərbaycanda insan haqlarının pozulması ilə bağlı imic yaratmaq, əhalinin iqtisadi çətinliyi, zəifliyini göstərmək istəyi durur. Bu məsələdə İranın bir neçə istiqamətdə hədəfi var. Jurnalistlər İranla sərhəd məntəqələrində hansı problemlərlə üzləşirlər? Abbas Atilay İranda hansı problemlərdən danışdı?BÜTÜN BUNLAR BARƏDƏ BİLMƏK İSTƏYİRSİNİZSƏ «İŞDƏN SONRA»NI DİNLƏYİN.