Contact Us

SON XƏBƏRLƏR

Etirazlar cavab verdi: Muğan Aqrosənaye Şirkəti azərbaycanlı iş adamına buraxılıb

2021.10.20, 07:36
Etirazlar cavab verdi: Muğan Aqrosənaye Şirkəti azərbaycanlı iş adamına buraxılıb

Gunaz.tv

GünAz TV: Muğan Aqrosənaye və Heyvandarlıq Kompleksinin dəyərindən qat-qat ucuz qeymətə yerli olmana bir şəxsə satılması güney azərbaycanlıların kəskin etirazına səbəb olmuşdur, artıq soydaşlarımız tərəfindən göstərilən dirənişin nəticə verdiyi məlum olub.

 

Ərdəbil valisi Əkbər Behnamcu əyalətin yerli televiziyasına verdiyi açıqlamada kompleksin hərracın ikinci iştirakçısı olan azərbaycanlı iş adamı Yunis Jaeləyə ötürüldüyünü bildirib.

 

“Hərracın birinci iştirakçısının bu iş üçün qabliyyətsiz olduğunu eşitdikdən sonra dərhal hərəkətə keçdik, bundan sonra özəlləşdirmə müqaviləsi ləğv olundu. Komplekes artıq həmin hərracın ikinci iştirakçısı Yunis Jaeləyə ötürülüb”- deyə o bildirib.

 

Valinin sözlərinə görə, nəhəng aqrosənaye kompleksində ilin sonunadək yeni istehsalat fabriklərinin fəaliyyətə başlayacağı barədə razılıq əldə olunub. Şirkətin inkişaf etməsi bölgənin iqtisadi inkişafına yeni təkan verəcək.

 

Valinin açıqlamasına rəğmən sözügedən şirkət yerli olmayan şəxsə ucuz qiymətə satıldığı zaman Ərdəbil əyalətinin əksər millət vəkilləri və digər yerli məsullar bununla razılaşmışdır. Buna baxmayaraq yerli əhalinin kəskin etirazı dövləti geri addım atmağa məcbur etdi.

 

Təbrizli iş adamı Yunis Jaelə “Şirin əsəl” Qida Sənayesi Şirkətinin sahibi və icraçı direktorudur.  Bu şirkətin 15 mindən çox işçisi var və 63 ölkəyə qida məhsulu ixrac edir.

 

 

Yunis Jaelə

 

Ərdəbil Əyalətində yerləşən Muğan Aqrosənaye və Heyvandarlıq kompleksinin 63 min hektar sahəsi var. Kompleksin tərkibində meyvə bağları və böyük heyvandarlıq kompleksindən əlavə, şəkər zavodu, süd məhsulları fabriki və başqa istehsalat fabrikləri də mövcuddur. Bu şirkət yaxın şərqin ən böyük Aqrosənaye şirkəti hesab olunur. Kompleksin dəyərindən qat-qat ucuz qiymətə hökumətə yaxın şirkətə satılması yerli əhalinin kəskin etirazına səbəb olmuşdur.

 

N.S

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar