Contact Us

SON XƏBƏRLƏR

İran: İsrail İrana hərbi müdaxilə edərsə, o yer üzündən silinər

2021.10.20, 07:36
İran: İsrail İrana hərbi müdaxilə edərsə, o yer üzündən silinər

Gunaz.tv

İran: İsrail İrana hərbi müdaxilə edərsə, onu yer üzündən silərGünazTV:  “İsrail İrana hərbi müdaxilə edərsə, bu ölkəni yer üzündən silərik”. İran mətbuatının yaydığı məlumatına görə, bunu İran İnqilab Keşikçiləri Korpusunun (“Sepah”) Hava-Kosmik Qüvvələrinin komandanı, general Əmirəli Hacızadə deyib. Ə. Hacızadənin sözlərinə görə, İsrailin gücü İranla müqayisə oluna bilməz: “İsrail İrana hücum edəcək gücdə olsaydı, bir an belə dayanmazdı. Onlar Livandakı “Hizbullah” kimi kiçik bir təşkilata məğlub oldular, İrana necə hücum edə bilərlər?” Ə. Hacızadə deyib ki, İsrail ABŞ-ın yardımı olmadan bir işə cəhd göstərə bilməz: “Bu gün bölgədəki bütün ABŞ hərbi bazaları hücum hədəfimizdir. Ona görə də ABŞ belə bir yükün altına girməz. Bu məsələ ilə bağlı İsrailə də dəfələrlə xəbərdarlıq etmişik. Bu baxımdan onların İrana hücum etməyə cəsarəti çatmaz”. 

S.B

SEÇİLMİŞ XƏBƏRLƏR

Çox oxunanlar