GünAz TV mətbuat mərkəzinin növbəti müsahibi, İsveçrədə yaşayan politoloq (siyasətçi)  Elxan Həsənlidir.- Elxan bəy, İran rejimi daha da qəddarlaşaraq milli fəallarımızı həbs etməkdədir. Rejim bununla hərəkatın qarşısını ala biləcəkmi?- İran rəsmilərinin Azərbaycan dövlətinə olan münasibəti gündən-günə sərtləşməsi son günlər daha qabarıq şəkildə özünü büruzə verir. Bir neçə il əvvəl biz Azərbaycanın güneyinin azadlığını bir arzu sayırdıqsa, bu gün bu arzu bir reallığa çevrilməkdədir. Güneydə bu reallıq daha qabarıg şəkildə özünü göstərir. İran rejimi də bunu görür. Bu cür antipod (noqteyi müqabil) rejimlərin reaksiyası, yaranmış vəziyyətdən cıxma üsulları zor və repressiyadır (sərkubdur). Bu gün beynəlxalq aləm Azərbaycanın güneyinə, orada yaşayan və oradan cıxmış insanlarımıza bir müttəfiq gözüylə baxır. Cox sevindirici haldır ki, istiqlal mübarizəsi aparan soydaşlarımız irtica və repressiyalara baxmaqyaraq, daha da fəaldırlar və bu repressiyalar bu mübarizəni ancaq gücləndirib. Güneyimizin azadlığı uğrunda gedən mübarizə özünün həlledici mərhələlərindən birinə qədəm goyur. Sözsüz ki, bu mərhələdə Azərbaycan türklərinin daha da fəallaşması lazım. İlk öncə, beynəlxalq aləmə özünü güc kimi gəbul etdirmək və mübarizənin yönləndiricisinə cevrilmək cox əhəmiyyətlidir. Bu mübarizədə Azərbaycan artıq bir tərəfdir, bunu beynelxalg dairələr qəbul ediblər. Beynəlxalq aləmdə bütün dayaqlarını itirmiş molla rejiminin bu mübarizənin qarşısını almağa gücü catmaz. Onun gücü yalnız islam diniylə maskalanmasındadır. Bu maskanı yırtmaq  ve molla rejimini bu silahdan məhrum etmək ücün mömin soydaşlarımızın azadlıq mübarizəsinə cəlb olunması yolları axtarılmalıdır. - Ümumiyyətlə, İranın Azərbaycana qarşı ciddi şəkildə anti təbliğat aparmasını nə ilə bağlayırsınız?- Azərbaycan dövlətinin son dövrdəki inkişafı bütün düşmənlərimizi qorxuya saldığı kimi İran rejimini də qorxuya salır, qıcıqlandırır. Təbii ki, Azərbaycanın güneyində yaşayan soydaşlarımız da bu inkişafı görürlər, buna sevinirlər, Azərbaycanın birləşəcəyi günün yaxında olduğuna əminlikləri artır. İran rejiminin Azərbaycana qarşı anti təbligat aparması da məhz bu əminliyi sarsıtmaq üçündür. Mübarizənin qələbə ilə başa çatacağına əminlik qələbənin yarısıdır.- İsveçrə hakimiyyəti Güneydə yaşayan hadisələr haqqında məlumatlıdırmı?- Son dövrlərdə bir cox Avropa dövlətləri, eləcə də İsvecrə hökuməti İrana qarşı sanksiyalara (təhrimlərrə) qərar veriblər. Sözsüz ki, bu addımlar da məhz İran rejiminin insan hüquqlarına laqeyd münasibətinin nəticəsidir. İsvəcrədə yaşayan güneyli soydaşlarımızın bir çox təbligat aksiyalarının şahidi və iştirakçısı olmuşam. Bu aksiyalarda güneyli soydaşlarımızın üzləşdikləri haqqsızlıglar İsveçrə ictimaiyyətinə catdırılır.

Söhbətləşdi:Elnur Eltürk

N.S