Güney Azərbaycanın Qələm Dərnəyi azərbaycanlı fəalların azadlığını tələb edib

SON XƏBƏRLƏR

Güney Azərbaycanın Qələm Dərnəyi azərbaycanlı fəalların azadlığını tələb edib

2021.10.20, 07:36

Gunaz.tv

GünAz TV: Güney Azərbaycanın Qələm Dərnəyi azərbaycanlı fəallar o cümlədən İbrahim Rəşidi (Savalan) və Ruzbeh Səadətinin azadlığını tələb edib.

Dərnək yaydığı bəyanatda hər iki milli-mədəni fəalın mədəniyyət sahəsindəki fəaliyyətlərindən geniş bəhs edib və onların qeyd-şərtsiz azadlığını tələb edib.

Aşağıda Dərnəyin yazıçı-şair Ruzbeh Səadəti barəsindəki bəyanatını olduğu kimi təqdim edirik:

“Ruzbeh Səadəti

Ruzbeh Səadəti Azərbaycan Ulusal savaşının eyləmçisi, şair, bloqçu, azərbaycan dili və tarixinin öyrətməni,

Miyana şəhərinin azad biliyurdunda bərq və elektronik oxumuşdur, daha sonra Təbriz şəhərinin biliyurdunda iqtisadiyat fakultəsinin öyrəncisi olmuşdur.

Miyanada doğulmuş milli fəal Ruzbeh Səadəti, 1390.cı ilin Bəhmən ayının dördündə təhlükəsizlik orqanlarının əliylə doğulduğu şəhərdə yaxalanmışdır. Rəsmi olamayan xəbərlərə görə milli fəal Ruzbeh Səadəti Təbrizin ittilaatına göndərilibdir. O daha öncə də bir neçə yol ayrı ayrı bəhanələrlə yaxalanmış və sorğulanmışdır.

İsfənd ayının 17.si 1389.cu il, dünya qadınlar günü olaraq, sayın Səid Mətinpurun əşi olan sevgili Ətiyə xanım Tahirinin ağırlama törənində 14 başqa milli fəalla birlikdə Miyana – Zəngan yolu üstündə olan Gəluqah polis bölməsində yaxalanmış, sorğulanaraq içəri alınmışdır.

İran islam respoblikasının ittilaat orqanları Ruzbeh Səadətinin ata anasını da dinc buraxmamışdır. Bir neçə yol evlərinə telefon açaraq onu yaxalayacaqları qorxusuyla hədələmişlər.

Ruzbeh Səadəti bir ulusal eyləmçi olmaqla birlikdə, Təbriz biliyurdunun Azərbaycan Bilimi dərnəyinin aktiv üyəsi, öyrəncilərə özəl olan çağdaş iran və azərbaycan tarixinin araşdırması komitəsinin aktivisti olaraq da tanınmaqdadır. Onun bir çox elmi təhqiqi məqalələri öyrəncilərin və yerli dərgilərin bəzəyi olmuşdur. Ruzbeh Səadətinin özəl bloqunun da aşağıdakı adresdə izləyə bilərsiniz:

http://ruzbeh-s.blogfa.com/

Son olaraq sayın Ruzbeh Səadətinin mədə narahatlıqlarını bildirərək onun uzun sürə doktorlardan uzaq tutulması onun sağlamlığına çox pis etgiləri olacağını da vurğulayırıq.

Biz, Sürgündə Güney Azərbaycan Qələm Əncüməni olaraq Ruzbeh Səadətiylə birlikdə bütün siyasi, mədəni fəalların azadlığa bıraxılamsını istəyirik”.

N.S

GUNAZ.TV

SON XƏBƏRLƏR