Suriyada toqquşmalar səngimir

SON XƏBƏRLƏR

Suriyada toqquşmalar səngimir

2021.10.20, 07:36

Gunaz.tv

GünAz TV: Qərbli diplomat Suriya rejiminin müşahidəçi missiyasına maneə yaratdığını bildirir.

Suriyada ilkin müşahidəçi qrup monitorinqlərə (nəzarət) başlaya bilmək üçün hazırlıq işləri gördüyü arada, Suriya ordu qüvvələri atəşkəs öhdəliklərinə əməl etməyərək qiyamçılara qarşı silahlı hücumları davam etdirib. İnsan Haqqları fəalları dünən Türkiyə sərhədlərinə yaxın əyalətlərdə gedən silahlı toqquşmalar və qaynar nöqtələrin bombardmanı nəticəsində azı 24 nəfərin qətlə yetirildiyini xəbər verir.

Ölkədaxili zorakılıqları sənədləşdirən Yerli Koordinasi (həmahəngi) Komittələri dünən Homs və Həmada azı 14 nəfərin qətlə yetirildiyini, azı 50 nəfərin yaralandığını xəbər verir. Homsdan olan fəallar Əl Xəldiyə və Bəyyədə rayonlara (məntəqə, şəhər) artilleriya (topxana) zərbələrinin endirilməsi nəticəsində azı 10 binanın yanaraq yararsız hala gəldiyini bildirib. Bununla belə fəallar Homsun 40 faizə yaxınının hələ də müxalif qüvvələrin əlində olduğunu deyir.

BMT-nin (Birləşmiş Millətlər Təşkilatı) müşahidəçi missiyasına başçılıq edən Əhməd Himişe mətbuata verdiyi açıqlamada silahsız müşahidəçilərin ən yaxın vaxtda Suriya ərazisində monitorinqlərə start verəcəyini diqqətə çatdırıb.

BMT-nin Suriyadakı sözçüsü Xalid əl Məsri Alman xəbər agentliyi "DPA" verdiyi müsahibədə beş nəfərlik müşahidəçi heyətinin ərazidə fəaliyyətə başlamazdan əvvəl Suriya rəhbərliyi ilə “əməkdaşlıq protokolu” imzalayacağını qeyd edib. Belə ki, bu razılaşma imzalanmadan BMT müşahidəçiləri ölkə ərazisində işlər apara bilməz.

Əl Məsrinin BMT və Suriya arasında “münasibətlər mühitinin” müsbət olduğunu deməsinə baxmayaraq, adı açaıqlanamayan qərb diplomatının olaraq mediaya verdiyi məlumatda, bunun tam əksi bildirilir. Adını gizli saxlayan diplomat bildirir ki, əslində Suriya höküməti tərəfindən xeyli sayda əngəllər yaradılıb və bu yerdə qalan müşahidəçilərin may ayına kimi yeridilməsini əhəmiyyətli dərəcədə gecikdirə bilər. Ans press

N.S

GUNAZ.TV

SON XƏBƏRLƏR