Contact Us

SON XƏBƏRLƏR

Güneyli siyasi məhbusun həyatı təhlükədədir

2024.02.07, 12:00
Güneyli siyasi məhbusun həyatı təhlükədədir

Qərbi Azərbaycan əyalətinin Urmu şəhərinin həbsxanasında saxlanılan siyasi məhbus Hamid Qaraoğlaninin həyatı təhlükədədir.

Gunaz.tv

Bu barədə insan haqları təşkilatları məlumat yayıb.

Bildirilib ki, 14 yanvardan aclıq aksiyasına başlayan Hamid Qaraoğlani təkadamlıq kameraya salınıb və ailəsinin onunla görüşü və telefon danışığına icazə verilmir.

İnsan haqları təşkilatları bir neçə xəstəlikdən əziyyət çəkən siyasi məhbusun heç bir tibbi xidmətdən istifadəsinə icazə verilmədiyinə görə ağır vəziyyətdə olduğunu bildirirlər.

"Heç bir isitmə və havalandırma sistemi olmayan təkadamlıq kamerada saxlanılan Hamid Qaraoğlaninin həyatına görə İran hökuməti, və həbsxana rəhbərliyi məsuliyyət daşıyır",- insan haqları təşkilatlarının azərbaycanlı məhbusla bağlı yaydıqları məlumatda deyilir.

Epilepsiya və başqa bir neçə xəstəlikdən əziyyət çəkən Həmid Qaraoğlani müalicəsinə icazə verilməməsinə etiraz olaraq 13 yanvar tarixindən aclıq aksiyasına başlayıb.

Qeyd edək ki, Hamid Qaraoğlani 27 iyun 2020-cı ildə saxlanılıb, 28 sentyabr 2020-cı ildə Urmiya İnqilab Məhkəməsinin 2 saylı bölməsində mühakimə olunub.

O, "ABŞ, və İsrailə casusluqda”, “xarici KİV-lərlə əlaqə”də, “rəhbəri təhqir etmək”də, "Qasım Süleimaninin şəklini cırmaq”da günahlandırılıb.

Azərbaycanlı məhbusun barəsində çıxarılan edam qərarı sonradan 13 il həbs cəzasına dəyişdirilib.

Qaraoğlani barəsində irəli sürülən ittihamların əsassız olduğunu və ondan işgəncə altında məcburi etiraf alındığını bildirib.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar