Contact Us

SON XƏBƏRLƏR

Ərəb fəallar təkadamlıq kameralara salınıb

2024.11.12, 11:59
Ərəb fəallar təkadamlıq kameralara salınıb

Etnik ərəblərin kompakt yaşadığı Xuzistan əyalətinin mərkəzi Əhvaz şəhərinin Şeyban həbsxanasında saxlanılan 15 ərəb fəal təkadamlıq kameralara salınıb.

Gunaz.tv

Bu barədə insan haqları təşkilatları məlumat yayıb.

Bildirilib ki, bu, 3 gün əvvəl həbsxananın siyasi məhbuslar saxlanılan 8-ci bölməsində baş verən qarşıdurma və xüsusi təyinatlıların siyasi məhbuslara hücumundan sonra baş verib.

Qeyd edək ki, noyabrın 9-da Şeyban həbsxanasının rəhbəri Xosro Torfi və onu müşayiət edən qrup həbsxananın 8-ci bölməsinə baş çəkib.

Ərəb siyasi məhbuslar həbsxana rəhbərliyinə təzyiqlərə məruz qaldıqlarını, məhkumların cinayətlərinə görə təsnifatlandırmamalarına görə etiraz ediblər.

Torfini müşayiət edən nəzarətçilər ərəb məhbuslara hücm edib, qarşıdurma zamanı həbsxana rəhbəri və çox sayda məhbus yaralanıb.

Etirazçı məhbusları susdurmaq üçün həbsxanaya xüsusi təyinatlı qüvvələr çağırılıb və 15 siyasi məhbus döyülərək təkadamlıq kameralara salınıb.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar