Qasım Süleymaniyə yaxın şəxs ABŞ əlində

SON XƏBƏRLƏR

Qasım Süleymaniyə yaxın şəxs ABŞ əlində

2026.05.16, 22:00

Qasım Süleymaniyə yaxın Kataib Hizbullah üzvü saxlanılıb, ABŞ-a aparılıb.

Gunaz.tv

ABŞ Federal Təhqiqat Bürosu (FBI) cümə günü İran rejiminin əsas vəkil qruplarından biri hesab edilən İraq mənşəli Kataib Hizbullah qruplaşmasının yüksəkvəzifəli üzvlərindən “Məhəmmədbaqir Səd Davud əl-Səədi”nin saxlanıldığını və mühakimə üçün ABŞ-a aparıldığını açıqlayıb.

Gunaz TV-nin məlumatına görə, Nyu-York ştat prokurorluğu X sosial şəbəkəsində bu Kataib Hizbullah üzvünün İranın keçmiş Qüds qüvvələri komandanı Qasım Süleymani ilə birgə fotosunu yayımlayıb. Qasım Süleymani Donald Trampın prezidentliyinin ilk dövründə ABŞ hücumu nəticəsində öldürülmüşdü.

Məlumatlarda bildirilir ki, saxlanılan şəxs özünü “Məhəmmədbaqir Süleymani” kimi təqdim edirmiş.

ABŞ Kataib Hizbullah qruplaşmasını terror təşkilatı kimi tanıyır. Bu qrup daha əvvəl İranla bağlı mümkün hərbi qarşıdurma halında İslam Respublikasının yanında döyüşə qatılacağını bəyan etmişdi.

Məhəmmədbaqir Səd Davud əl-Səədi Kataib Hizbullah və İran İnqilab Keşikçiləri Korpusunun xarici əməliyyat qolu olan Qüds qüvvələri ilə əlaqəli fəaliyyətinə görə terrorla bağlı altı ittihamla üzləşib.

Məlumatlara görə, o, İraqdan kənara etdiyi səfər zamanı Türkiyədə saxlanılıb.

GünAzTV
R.G

GUNAZ.TV

SON XƏBƏRLƏR