İran yol qəzalarında ölüm sayına görə Asiyada 7-cidir

SON XƏBƏRLƏR

İran yol qəzalarında ölüm sayına görə Asiyada 7-cidir

2021.10.20, 07:36

Gunaz.tv

Normal yollara malik olan ölkələrlə müqayisədə İranda yol qəzalarının sayı 10 dəfə daha çoxdur.

İranın Tibbi ekspertiza Mərkəzinin yayınladığı son məlumata görə, ölkədə yol qəzalarında həyatını itirənlərin illik sayı ortalama 17 min nəfər, yaralananların sayı isə 35 min nəfər civarındadır.

İranın nəqliyyat donanmasının çox köhnə olması, avtomobillərin təhlükəsizlik yastıqları, kilid əleyhinə əyləclər və düzgün təhlükəsizlik kəmərləri ilə təchiz olunmaması qəzaların baş verməsinə böyük rol oynayır.

Bununla yanaşı ən əhəmiyyətli risk faktorlarından biri də daxili istehsal olan keyfiyyətsiz avtomobillərin qəzalar zamanı dayanıqlılığının olmamasıdır.

“İrankargər” saytının verdiyi məlumata görə, ölkənin infrastrukturunun, o cümlədən yolların dağıdılması, qeyri-standart olması insanların həyatlarının itirilməsində əsas amillərdən biri sayılır.

Belə ki, Almaniyada bir il ərzində baş verən qəzalar nəticəsində qeydə alınan ölüm halları ilə İranda 20 günlük yaz bayramındakı ölüm halları bərabərdir.

Qeyd edək ki, Azərbaycan əyalətlərində olan yolların durumu daha acınacaqlı və qeyri-standartdır.

Bununla bağlı mətbuata açıqlama verən Şərqi Azərbaycan əyalətinin Polis İdarəsinin başçısı Hüseyn Əbdi cari günəş ilinin ilk 6 ayında Şərqi Azərbaycan yollarında baş verən qəzalar nəticəsində 427 nəfərin öldüyünü, 8437 nəfərin isə yaralandığını bildirib.

C.E

GUNAZ.TV

SON XƏBƏRLƏR