İsrail prezidenti tarixdə ilk dəfə olaraq BƏƏ-yə səfər edəcək

SON XƏBƏRLƏR

İsrail prezidenti tarixdə ilk dəfə olaraq BƏƏ-yə səfər edəcək

2022.01.26, 10:35

Gunaz.tv

Hersoqun ofisindən bildirilib ki, birinci xanımla səfər edəcək prezident 30-31 yanvar tarixlərində səfəri zamanı Birləşmiş Ərəb Əmirliklərinin vəliəhdi Şeyx Məhəmməd bin Zayed Əl-Nəhyan ilə görüşəcək.

"İsrail prezidentinin Birləşmiş Ərəb Əmirliklərinə ilk səfərini etməklə tarix yazmaqdan qürur duyuruq", deyə Herzoqun bəyanatında bildirilir və ölkələrin "yeni birgə gələcəyin əsaslarını qoyduqları"-deyə, qeyd edilib.

Onun ofisindən bildirilib ki, Hersoq Dubay rəhbəri və yüksək səviyyəli hökumət rəsmiləri ilə də görüşəcək və Dubay Expo sərgisini ziyarət edəcək.

Səfər zəngin BƏƏ-nin onilliklər boyu davam edən ərəb konsensusunu pozması və İsraillə diplomatik əlaqələr qurmasından təxminən 16 ay sonraya təsadüf edir.

Bu addım fələstinliləri qəzəbləndirən, "Abraham Sazişləri" kimi tanınan ABŞ-ın vasitəçiliyi ilə imzalanmış bir sıra müqavilələrin bir hissəsi idi.

Baş nazir Naftali Bennett keçən ay BƏƏ-yə səfər edən ilk İsrail hökumət başçısı kimi tarixə düşüb. Bu səfər qismən İsrailin təhlükəsizlik prioritetlərindən biri olan İranın nüvə proqramı ilə bağlı beynəlxalq danışıqlarla bağlı idi.

Hersoq BƏƏ-yə rəsmi səfər edən ilk İsrail dövlət başçısı olacaq.

O söz verib ki, ölkələr arasında “yeni cəsarətli tərəfdaşlıq” “Yaxın Şərqi dəyişdirəcək” və İsrail "Abraham Sazişləri"ni imzalayan ərəb dövlətlərinin siyahısını genişləndirmək niyyətindədir.

Razılaşmalar ABŞ-ın sabiq prezidenti Donald Trampın dövründə əldə edilib, lakin prezident Co Bayden administrasiyası tərəfindən təsdiqlənib.

Bəhreyn və Mərakeş də razılaşmalara əsasən İsraillə əlaqələri normallaşdırıb.

Sudan buna razılıq verib, lakin Xartumda qeyri-sabitlik fonunda rəsmi diplomatik münasibətlər hələ yaradılmayıb. (amerikanınsesi)

Ayxan

GUNAZ.TV

SON XƏBƏRLƏR