Contact Us

SON XƏBƏRLƏR

"Azərbaycan Ermənistana 5 maddəlik sənəd göndərib, cavab gözləyir"- Ceyhun Bayramov

2022.03.12, 05:46
"Azərbaycan Ermənistana 5 maddəlik sənəd göndərib, cavab gözləyir"- Ceyhun Bayramov

Gunaz.tv

Ermənistanla Azərbaycan arasında uzun illərdir münasibətlərin olmamasının əsas səbəbinin işğal faktorunun olduğunu deyən Ceyhun Bayramov qeyd edib ki, 30 ildən artıq, 90-cı illərin əvvəllərindən başlayaraq Ermənistan Azərbaycan torpaqlarını işğal edib, Azərbaycan vətəndaşları isə öz yurdlarından didərgin salınıb.

BMT Təhlükəsizlik Şurasının Azərbaycanın lehinə qəbul etdiyi 4 qətnaməyə baxmayaraq, işğalla bağlı heç bir nəticə əldə oluna bilmədiyinə diqqət çəkən Bayramov deyib ki, bu, həm də münasibətlərin qurulmasına əngəl törədib.

C.Bayramov bildirib ki, 27 sentyabr 2020-ci il tarixində Ermənistanın işğal etdiyi torpaqların azad edilməsi uğrunda başlayan 44 günlük Vətən müharibəsindən sonra Azərbaycanın bu məsələ ilə bağlı çox aydın mesajlar verib: “Mesaj belə idi: “Müharibəyə səbəb olan işğal amili indi aradan qalxıb.

Belə olan halda Azərbaycan tərəfi keçmişin bütün çətinliklərinə və problemlərinə baxmayaraq Ermənistanla münasibətlərin normallaşmasının tərəfdarıdır”.

Azərbaycan prezidenti İlham Əliyevin bir il əvvəl Ermənistana “Sülh imzalamağa hazırıq” mesajını verdiyini xatırladan C.Bayramov sözünə belə davam edib: “Bir ilə yaxındır ki, Ermənistan tərəfindən bizim təklifimizə cavab yoxdur. Azərbaycan tərəfi öz xoşməramlılığını göstərmək üçün bu yaxınlarda Ermənistana yeni təkliflə çıxış edib. 

Əgər Ermənistan hesab edir ki, bu təklif hərtərəfli sənəddir. Biz İrəvana mahiyyətcə Azərbaycan və Ermənistan arasında münasibətlərin normallaşdırılmasını özündə əks etdirən bəzi əsas prinsipləri təklif etmişik". 

Azərbaycan XİN başçısı bildirib ki, bu, İrəvan üçün bir fürsətdir.

Biz münaqişənin tənzimlənməsinə dair əsas prinsiplərə və ənənələrə uyğun olaraq öz fikrimizi bildirdik və təsdiq etdik. Biz “biz münasibətləri müəyyən prinsiplər əsasında inkişaf etdirməyə hazırıq” dedik. Ermənistan bunlara baxıb öz fikrini bildirməlidir. 

Əgər Ermənistan səmimi şəkildə münasibətlərin normallaşmasını istəyirsə, bu, onlar üçün çox yaxşı fürsətdir. Ermənistanın cavabı tezliklə bəlli olacaq və biz təbii ki, bundan sonra müvafiq addımlar atacağıq”-deyə, nazir bildirib.

Ayxan

Açar Sözlər :

SEÇİLMİŞ XƏBƏRLƏR

Çox oxunanlar