"Rusiyanın hərəkəti başadüşüləndir"- İranlı nazir hərbi təcavüzü "Ukrayna böhranı" adlandırdı

SON XƏBƏRLƏR

"Rusiyanın hərəkəti başadüşüləndir"- İranlı nazir hərbi təcavüzü "Ukrayna böhranı" adlandırdı

2022.03.16, 10:05

Gunaz.tv

O, rusiyalı həmkarı Sergey Lavrovla görüşündə əsas müzakirə mövzusunun nüvə danışıqları və Ukrayna müharibəsi olduğunu deyib.

Əmir Abdullahian Lavrova göstərdiyi qonaqpərvərliyə görə təşəkkür edib və Rusiya-İran münasibətlərinin perspektivlərini yüksək qiymətləndirib.

Nazir Ukrayna böhranı ilə Vyana danışıqları arasında heç bir əlaqənin olmadığını, Rusiyanın razılaşmanın əldə edilməsinə maneə olmayacağını iddia edib.

“Əgər Amerika ilə qırmızı əsas məsələlərdə razılaşsaq, Rusiya kifayət qədər İranın yanında olacaq. Ümid edirik ki, Amerika son dəqiqələrdə özünün ənənəvi yanaşmasından əl çəkəcək və yekun razılığa gələcək”-deyə, Abdullahiyan bildirib.

Xarici işlər naziri Rusiyanın Ukraynaya qarşı hərbi təcavüzünü “Ukrayna böhranı” kimi səsləndirib və İranın müharibənin əleyhinə olduğunu, ancaq Rusiyanın hərəkətini başa düşdüyünü söyləyib.

O, bununla yanaşı Qərb ölkələrinin Rusiyaya qarşı qoyduqları sanksiyaları yersiz adlandırıb və İran hökumətinin Rusiyaya qarşı sanksiyalara qarşı çıxdığını deyib.

Qeyd edək ki, martın 14-dən 15-ə keçən gecə İranın xarici işlər naziri Hüseyn Əmir Abdullahiyan diplomatik heyətlə birgə Moskvaya səfər edib.

Cavidan

GUNAZ.TV

SON XƏBƏRLƏR