Contact Us

SON XƏBƏRLƏR

"İran rejimi fars dilini zorla, polis gücünə qorumaq istəyir"-Jalə Təbrizli

2022.03.29, 08:22
"İran rejimi fars dilini zorla, polis gücünə qorumaq istəyir"-Jalə Təbrizli

Gunaz.tv

Jalə Təbrizli xüsusilə türk icmasına qarşı təzyiqlərinin daha da gücləndiyini deyib.

Qeyd edək ki, İranın Mədəniyyət və İslami İrşad Naziri Məhəmməd Mehdi İsmaili bu yaxınlarda fars dili və ədəbiyyatını qorumaq üçün polis gücündən istifadə ediləcəyini bildirib. Tehran polisi isə daha əvvəl paytaxtda iş yerləri və ticarət obyektləri üçün qeyri-fars adlardan istifadə etməyin yasaq olduğunu açıqlayıb.

“Fars dilini qoruma üzrə Koordinasiya Şurası”nın tərkibində yer alan orqanlara işarə edərən hüquq müdafiəçisi deyib ki, bu şuranın içində olan orqanların dördünün əsas rolu var. 

"Bunlardan biri İrşad Nazirliyidir ki, senzura bunların əlindədir. Biri Radio və Televiziya təşkilatıdır ki, fars dilini reklarm edərkən, o biri dilləri xüsusən də türk dilini təhqir edir. 

Gördük ki, Novruz bayramında bizim rəqsimizi, gənclərimizin sənətini də televiziyada boykot etdilər. Şurada Tehran Bələdiyyəsi var ki, mağazaların və şirkətlərin adlarına nəzarət edir.

Farsca olmayan adları dəyişdirir. Polis gücüdür ki, əhalini fars dilindən istifadəyə məcbur etsin və o biri dilləri kənara qoysun. Polis gücünə müraciət etmələri göstərir ki, bu işləri zorla yürütmək istəyirlər"-deyə, J.Təbrizli bildirib.

Hüquq müdafiəçisinin sözlərinə görə, mağazaların adını dəyişdirmək, uşaqlara öz dillərində şəxsiyyət vəsiqəsi verməmək və farsca yetərlilik testi kimi siyasətlər ən çox da türk dilinə qarşı basqıların artdığını göstərir.

Jalə Təbrizli basqılara qarşı əhalinin müqavimətinin də artdığını deyib: “Bəzi uşaqların 5 yaşı var ancaq hələ də sicillisi (şəxsiyyət vəsiqəsi) yoxdur.

Ailələr müqavimət göstərirlər ki, türk adı ilə şəxsiyyət vəsiqəsi alsınlar. İndi də görürük ki, bir çox uşağa məcburiyyətdən türk adı ilə sicilli veriblər.

Yəni, basqılar artdıqca müqavimət də çoxalır. İndi də ki, açıq irqçilik və ayrı-seçkiliyə başlayıblar.

Bir zamanlar irqçiliyi gizli tuturdular. İndi aşkar edirlər”.

C.E

Açar Sözlər :

SEÇİLMİŞ XƏBƏRLƏR

Çox oxunanlar